ஆசிய கோப்பை 2022: வங்கதேச vs இலங்கை - உத்தேச லெவன்!

ஆசிய கோப்பை கிரிக்கெட் தொடரில் இன்று நடக்கும் வங்கதேசம் - இலங்கை அணிகளுக்கு இடையேயான போட்டியில் களமிறங்கும் இரு அணிகளின் உத்தேச ஆடும் லெவனை பார்ப்போம்.

Asia Cup, 5th Match: Sri Lanka vs Bangladesh – Cricket Match Prediction, Fantasy XI Tips & Probable (Image Source: Google)

ஆசிய கோப்பை கிரிக்கெட் தொடர் ஐக்கிய அரபு அமீரகத்தில் விறுவிறுப்பாக நடந்துவருகிறது. பி பிரிவில் இடம்பெற்றுள்ள ஆஃப்கானிஸ்தான் அணி, இலங்கை மற்றும் வங்கதேசத்தை வீழ்த்தி முதல் அணியாக சூப்பர் 4 சுற்றுக்கு முன்னேறியது. 

ஏ பிரிவில் இடம்பெற்ற இந்திய அணி, பாகிஸ்தான் மற்றும் ஹாங்காங்கை வீழ்த்தி சூப்பர் 4 சுற்றுக்கு முன்னேறியது. ஆசிய கோப்பை லீக் சுற்றில் ஏ பிரிவில் பாகிஸ்தான் - ஹாங்காங் அணிகளுக்கு இடையேயான போட்டி எஞ்சியிருக்கிறது. இந்த போட்டியில் பாகிஸ்தான் அணி ஹாங்காங்கை வீழ்த்தி சூப்பர் 4 சுற்றுக்கு தகுதிபெற்றுவிடும் என்பது தெரிந்ததே.

ஆனால் பி பிரிவில் வங்கதேசம் - இலங்கை அணிகளுக்கு இடையேயான போட்டி சுவாரஸ்யமாக இருக்கும். இந்த 2 அணிகளுமே ஆஃப்கானிஸ்தானிடம் தோற்றதால், இந்த போட்டியில் வெற்றி பெறும் அணி தான் சூப்பர் 4 சுற்றுக்கு தகுதிபெறமுடியும் என்பதால் போட்டி மிகக்கடுமையாக இருக்கும்.

வங்கதேசம் - இலங்கை இடையேயான போட்டி துபாயில் இன்று இரவு இந்திய நேரப்படி 7.30 மணிக்கு தொடங்குகிறது. வாழ்வா சாவா போட்டியில் களமிறங்கும் வங்கதேசம் மற்றும் இலங்கை ஆகிய அணிகளின் உத்தேச ஆடும் லெவனை  பார்ப்போம்.

உத்தேச அணி

வங்கதேசம்: முகமது நைம், அனாமுல் ஹக், ஷகிப் அல் ஹசன் (கேப்டன்), அஃபிஃப் ஹுசைன், முஷ்ஃபிகுர் ரஹீம் , மொசாடெக் ஹுசைன், மஹ்மதுல்லா, மஹெடி ஹசன், முகமது சைஃபுதின், டஸ்கின் அகமது, முஸ்தாஃபிசுர் ரஹ்மான்.

இலங்கை: தனுஷ்கா குணதிலகா, பதும் நிசாங்கா, குசால் மெண்டிஸ், சாரித் அசலங்கா, பானுகா ராஜபக்சா, தசுன் ஷனாகா (கேப்டன்), வனிந்து ஹசரங்கா, சாமிகா கருணரத்னே, மஹீஷ் தீக்‌ஷனா, தில்ஷன் மதுஷங்கா, மதீஷா பதிரனா.