எதிர்கொள்ள முடியாத பவுன்சரை வீசிய கம்மின்ஸ்; தடுமாறி விக்கெட்டை இழந்த காம்ரன் -வைரல் காணொலி!

பாகிஸ்தானுக்கு எதிரான முதல் ஒருநாள் போட்டியில் ஆஸ்திரேலிய அணி கேப்டன் பாட் கம்மின்ஸ், காம்ரன் குலாமின் விக்கெட்டை வீழ்த்திய காணொளி ரசிகர்களின் கவனத்தை ஈர்த்து வருகிறது

எதிர்கொள்ள முடியாத பவுன்சரை வீசிய கம்மின்ஸ்; தடுமாறி விக்கெட்டை இழந்த காம்ரன் -வைரல் காணொலி! (Image Source: Google)

ஆஸ்திரேலியா - பாகிஸ்தான் அணிகளுக்கு இடையேயான முதல் ஒருநாள் போட்டி மெல்போர்னில் உள்ள மெல்போர்ன் கிரிக்கெட் மைதானத்தில் இன்று நடைபெற்று வருகிறது. இப்போட்டியில் டாஸ் வென்ற ஆஸ்திரேலிய அணி முதலில் பந்துவீசுவதாக அறிவித்து பாகிஸ்தான் அணியை பேட்டின் செய்ய அழைத்துள்ளது. 

இதில் பாகிஸ்தான் அணியில் அறிமுக வீரர் காம்ரன் குலாமிற்கு லெவனில் இடம் கிடைத்துள்ளது. அதேசமயம், ஆஸ்திரேலிய அணியைப் பெறுத்தவரையில் கேப்டன் பாட் கம்மின்ஸ், ஸ்டீவ் ஸ்மித், மிட்செல் ஸ்டார்க் மற்று கிளென் மேக்ஸ்வெல் ஆகியோரும் பிளேயிங் லெவனில் இடம்பிடித்தனர். இதனையடுத்து பேட்டிங் செய்ய களமிறங்கிய பாகிஸ்தான் அணிக்கு அப்துல்லா ஷஃபிக் மற்றும் சைம் அயூப் இணை தொடக்கம் கொடுத்தனர். 

இதில் சைம் அயூப் ஒரு ரன்னில் விக்கெட்டை இழக்க, அவரைத்தொடர்ந்து மற்றொரு தொடக்க வீரரான அப்துல்லா ஷஃபிக் 12 ரன்னில் விக்கெட்டை இழந்து பெவிலியனுக்கு நடையைக் கட்டினர். இதனால் பாகிஸ்தான் அணி 24 ரன்னில் 2 விக்கெட்டுகளை இழந்து தடுமாறியது. பின்னர் களமிறங்கிய பாபர் ஆசாம் அதிரடியாக விளையாடி அணியின் ஸ்கோரை உயர்த்தி வந்த நிலையில் 37 ரன்களில் ஆட்டமிழந்து அரைசதம் அடிக்கும் வாய்ப்பை தவறவிட்டார்.

அவரைத்தொடர்ந்து களமிறங்கிய அறிமுக வீரர் காம்ரன் குலாம் 5 ரன்களை மட்டுமே எடுத்த கையோடு விக்கெட்டை இழந்து பெவிலியன் திரும்ப, அடுத்து வந்த துணைக்கேப்டன் சல்மான் அலி ஆகவும் 12 ரன்களுடன் நடையைக் கட்டினார். இதனால் பாகிஸ்தான் அணி 101 ரன்களுக்கு 5 விக்கெட்டுகளை இழந்து தடுமாறி வருகிறது. இந்நிலையில் இப்போட்டியில் ஆஸ்திரேலிய அணி கேப்டன் பாட் கம்மின்ஸ், காம்ரன் குலாமின் விக்கெட்டை வீழ்த்திய காணொளி ரசிகர்களின் கவனத்தை ஈர்த்து வருகிறது. 

 

Pat Cummins wins the battle #AUSvPAK pic.twitter.com/zSJWnriUjD

— cricket.com.au (@cricketcomau) November 4, 2024

அதன்படி, இன்னிங்ஸின் 19ஆவது ஓவரை பாட் கம்மின்ஸ் வீசிய நிலையில், அந்த ஓவரின் கடைசி பந்தை எதிர்கொள்ள முடியாத பவுன்சராக வீசினார். இதனை சற்று எதிர்பாராத காம்ரன் குலாம் பந்தை தவறவிட எண்ணி மேல குதிக்க, பந்து நேராக அவரது பேட்டில் பட்டு விக்கெட் கீப்பரிடம் தஞ்சமடைந்தது. ஒருகணம் என்ன நடந்தது என புரியாமல் காம்ரன் குலாம் தனது விக்கெட்டை இழந்து பெவிலியனுக்கு திரும்பினார். இந்நிலையில் கம்மின்ஸ் விக்கெட்டை வீழ்த்திய காணொளி வைரலாகி வருகிறது. 

Win Big, Make Your Cricket Tales Now