Australia vs South Africa: ஆஸ்திரேலியாவுக்கு எதிரான டி20 மற்றும் ஒருநாள் தொடரிலும் விளையாடும் தென் ஆப்பிரிக்க அணியில் டெவால்ட் பிரீவிஸ், லுவான் ட்ரே பிரிட்டோரியஸ் ஆகியோருக்கு வாய்ப்பு வழங்கப்பட்டுள்ளது.
தென் ஆப்பிரிக்க அணி தற்சமயம் ஜிம்பாப்வேவில் சுற்றுப்பயணம் செய்து முத்தரப்பு டி20 தொடரில் விளையாடி வருகிறது. இதனையடுத்து தென் ஆப்பிரிக்க அணி அடுத்த மாதம் ஆஸ்திரேலியாவில் சுற்றுப்பயணம் செய்து மூன்று போட்டிகள் கொண்ட ஒருநாள் மற்றும் டி20 தொடர்களில் விளையாடவுள்ளது. இதில் இரு அணிகளுக்கும் இடையேயான டி20 தொடர் ஆகஸ்ட் 10ஆம் தேதியும், ஒரு நாள் தொடரானது ஆகஸ்ட் 19ஆம் தேதி முதலும் நடைபெறவுள்ளது.
இந்நிலையில் இத்தொடருக்கான தென் ஆப்பிரிக்க டி20 மற்றும் ஒருநாள் அணிகள் இன்று அறிவிக்கப்பட்டுள்ளது. இதில் டி20 தொடருக்கான தென் ஆப்பிரிக்க அயின் கேப்டனாக ஐடன் மார்க்ரம் நியமிக்கப்பட்டுள்ள நிலையில், காகிசோ ரபாடா, ரியன் ரிக்கெல்டன் மற்றும் டிரிஸ்டன் ஸ்டப்ஸ் ஆகியோரும் அணிக்கு திரும்பியுள்ளனர். மேற்கொண்டு முத்தரப்பு தொடரில் சிறப்பாக செயல்பட்ட டெவால்ட் பிரீவிஸ், லுவான் ட்ரே பிரிட்டோரியஸ் ஆகியோருக்கும் வாய்ப்பு வழங்கப்பட்டுள்ளது.
