ஆஸ்திரேலியா vs வெஸ்ட் இண்டீஸ், முதல் டெஸ்ட்: போட்டி முன்னோட்டம் & ஃபேண்டஸி லெவன் டிப்ஸ்!

ஆஸ்திரேலியா - வெஸ்ட் இண்டீஸ் அணிகளுக்கு இடையேயான முதலாவது டெஸ்ட் போட்டி நாளை அடிலெய்ட் கிரிக்கெட் மைதானத்தில் நடைபெறுகிறது.

ஆஸ்திரேலியா vs வெஸ்ட் இண்டீஸ், முதல் டெஸ்ட்: போட்டி முன்னோட்டம் & ஃபேண்டஸி லெவன் டிப்ஸ்! (Image Source: CricketNmore)

வெஸ்ட் இண்டீஸ் கிரிக்கெட் அணி ஆஸ்திரேலியாவில் சுற்றுப்பயணம் மேற்கொண்டு 2 டெஸ்ட், 3 ஒருநாள் மற்றும் 3 டி20 போட்டிகள் கொண்ட தொடரில் விளையாட உள்ளது. இதில் முதலாவது, டெஸ்ட் தொடர் நடைபெறுகிறது. அதன் படி இரு அணிகளுக்கும் இடையேயான முதலாவது டெஸ்ட் போட்டி நாளை  அடிலெய்ட் ஓவல் மைதானத்தில் தொடங்குகிறது.

இந்நிலையில் நாளை நடைபெற உள்ள டெஸ்ட் போட்டிக்கான தங்களது பிளேயிங் லெவனை இரு அணிகளும் அறிவித்துள்ளன. இதில் கடந்த பாகிஸ்தானுக்கு எதிரான டெஸ்ட் தொடருடன் ஓய்வு பெற்ற டேவிட் வார்னருக்கு பதிலாக ஸ்டீவ் ஸ்மித் ஆஸ்திரேலியா தொடக்க ஆட்டக்காரராக களம் இறங்க உள்ளதாக கூறப்பட்டுள்ளது. இதனால் இப்போட்டியின் மீதான எதிர்பார்ப்பும் அதிகரித்துள்ளது. 

போட்டி தகவல்கள்

• மோதும் அணிகள் - ஆஸ்திரேலியா vs வெஸ்ட் இண்டீஸ்
• இடம் - அடிலெய்ட் ஓவல், அடிலெய்ட்
• நேரம் - காலை 5 மணி (இந்திய நேரப்படி)

நேரலை 

ஆஸ்திரேலியா - வெஸ்ட் இண்டீஸ் அணிகளுக்கு இடையேயான இத்தொடரை இந்திய ரசிகர்கள் ஸ்டார் ஸ்போர்ட்ஸ் தொலைக்காட்சில் கண்டு களிக்கலாம். அதேபோல் டிஸ்னி பிளஸ் ஹாட்ஸ்டார் ஓடிடி தளத்திலும் இத்தொடர் நேரலை செய்யப்படுகிறது.

பிட்ச் ரிப்போர்ட்

அடிலெய்ட் ஓவல் மைதானம் வரலாற்றில் எப்போதுமே பேட்டிங்க்கு சாதகமான ஒன்றாக இருந்து வருகிறது. இங்கு சமமான வேகம் மற்றும் பவுன்ஸ் இருக்கும் என்பதால் அதைப் புரிந்து கொண்டு ஆரம்பகட்ட சவாலான சூழ்நிலையை சமாளித்தால் பின்னர் பேட்ஸ்மேன்கள் எளிதாக ரன்களை குவிக்கலாம். இருப்பினும் வேகப்பந்துவீச்சாளர்கள் நிச்சயமாக விக்கெட்டுகளை எடுப்பார்கள். மேலும் மிடில் ஓவர்களில் சுழல் பந்து வீச்சாளர்கள் கணிசமான தாக்கத்தை ஏற்படுத்துபவர்களாக இருப்பர். 

நேருக்கு நேர்

• மோதிய போட்டிகள் - 118
• ஆஸ்திரேலியா - 60
• வெஸ்ட் இண்டீஸ் - 32
• முடிவில்லை - 26

பிளேயிங் லெவன்

ஆஸ்திரேலியா: உஸ்மான் கவாஜா, ஸ்டீவ் ஸ்மித், மார்னஸ் லபுஷாக்னே, கேமரூன் க்ரீன், டிராவிஸ் ஹெட், மிட்செல் மார்ஷ், அலெக்ஸ் கேரி, மிட்செல் ஸ்டார்க், பேட் கம்மின்ஸ் (கேப்டன்), நாதன் லையன், ஜோஷ் ஹசில்வுட்.

வெஸ்ட் இண்டீஸ்: கிரேக் பிராத்வைட் (கேப்டன்), டேக்னரைன் சந்தர்பால், கிர்க் மெக்கென்சி, அலிக் அதானாஸ், கவேம் ஹாட்ஜ், ஜஸ்டின் கிரீவ்ஸ், ஜோசுவா டா சில்வா, குடாகேஷ் மோட்டி, அல்ஸாரி ஜோசப், ஷமர் ஜோசப், கீமார் ரோச்.

ஃபேண்டஸி லெவன் டிப்ஸ்

• விக்கெட் கீப்பர்கள்: அலெக்ஸ் கேரி
• பேட்ஸ்மேன்கள்: ஸ்டீவ் ஸ்மித், உஸ்மான் கவாஜா, கிரெய்க் பிராத்வைட், மார்னஸ் லபுஷாக்னே, டிராவிஸ் ஹெட், அலிக் அதானாஸ்
• ஆல்-ரவுண்டர்: மிட்செல் மார்ஷ், கவேம் ஹாட்ஜ்
• பந்துவீச்சாளர்கள்: நாதன் லயன், மிட்செல் ஸ்டார்க்.

Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.

Win Big, Make Your Cricket Tales Now