இலங்கை தொடருக்கான ஆஸ்திரேலிய அணி அறிவிப்பு!

இலங்கை அணிக்கு எதிரான டி20 போட்டிகளில் ஆஸ்திரேலியா அணியின் வேகப்பந்து வீச்சாளர் பேட் கம்மின்ஸ்க்கு ஓய்வு அளிக்கப்பட்டுள்ளது.

Australia name squads for Sri Lanka tour (Image Source: Google)

ஆஸ்திரேலியா அணி 2 டெஸ்ட் போட்டி, 5 ஒருநாள் போட்டி, 3 டி20 போட்டிகளில் விளையாடுவதற்காக ஜூன் மாதம் இலங்கைக்கு செல்கிறது. இதற்கான ஆஸ்திரேலிய அணி அறிவிக்கப்பட்டுள்ளது. 

ஆஸ்திரேலியா டெஸ்ட் அணியின் கேப்டன் பேட் கம்மின்ஸ்க்கு டி20 போட்டிகளில் மட்டும் ஓய்வு அறிவிக்கப்பட்டுள்ளது. சுழற்பந்து வீச்சாளர் ஆடம் ஸாம்பாவுக்கு முதல் குழந்தை பிறந்துள்ளதால் இந்த தொடரில் இருந்து விலகி உள்ளார்.

16 பேர் கொண்ட டெஸ்ட் அணியில் தொடக்க வீரர் மார்கஸ் ஹாரிஸ் மற்றும் வேகப்பந்து வீச்சாளர் மார்க் ஸ்டெகெட்டி ஆகியோர் நீக்கப்பட்டுள்ளனர், ஆனால் ஆஸ்திரேலியா ஏ அணியில் ஆடுவார்கள். 

பாகிஸ்தான் தொடரில் இடம்பெறாத ஹசில்வுட், மிட்செல் ஸ்டார்க், டேவிட் வார்னர், ஸ்டீவ் ஸ்மித், மேத்யூ வேட், மேக்ஸ்வேல் ஆகியோர் டி20 மற்றும் ஒருநாள் போட்டிகளில் மீண்டும் இடம் பெற்றுள்ளனர்.

ஆஸ்திரேலியா ஏ அணி இரண்டு ஒருநாள் போட்டிகளிலும், 4 நாட்கள் அடங்கிய டெஸ்ட் போடிகளில் இரண்டிலும் விளையாடுகிறது.

ஆஸ்திரேலியா டி20 அணி: ஆரோன் ஃபின்ச், சீன் அபோட், ஆஷ்டன் அகர், ஜோஷ் ஹேசில்வுட், ஜோஷ் இங்கிலிஸ், மிட்செல் மார்ஷ், கிளென் மேக்ஸ்வெல், ஜே ரிச்சர்ட்சன், கேன் ரிச்சர்ட்சன், ஸ்டீவன் ஸ்மித், மிட்செல் ஸ்டார்க், மார்கஸ் ஸ்டோனிஸ், டேவிட் ஸ்டோனிஸ், மிட்செல் ஸ்வெப்சன், வார்னர், மேத்யூ வேட்.

ஆஸ்திரேலிய ஒருநாள் அணி: ஆரோன் ஃபின்ச், ஆஷ்டன் அகர், அலெக்ஸ் கேரி, கம்மின்ஸ், கேமரூன் கிரீன், ஜோஷ் ஹேசில்வுட், டிராவிஸ் ஹெட், ஜோஷ் இங்கிலிஸ், மார்னஸ் லாபுசாக்னே, மிட்செல் மார்ஷ், கிளென் மேக்ஸ்வெல், ஸ்டீவன் ஸ்மித், மிட்செல் ஸ்டார்க், மார்கஸ் ஸ்டோனிஸ், மிட்செல் ஸ்வெப்சன், டேவிட் வார்னர்.

ஆஸ்திரேலியா டெஸ்ட் அணி: பாட் கம்மின்ஸ், ஆஷ்டன் அகர், ஸ்காட் போலண்ட், அலெக்ஸ் கேரி, கேமரூன் கிரீன், ஜோஷ் ஹேசில்வுட், டிராவிஸ் ஹெட், ஜோஷ் இங்கிலிஸ், உஸ்மான் கவாஜா, மார்னஸ் லாபுசாக்னே, நாதன் லியான், மிட்செல் மார்ஷ், ஸ்டீவன் ஸ்மித், மிட்செல் ஸ்டார்க், மிட்செல் ஸ்வெப்சன், டேவிட் வார்னர்.

Win Big, Make Your Cricket Tales Now