ஐசிசி டெஸ்ட் தரவரிசை: முதலிடத்தைப் பிடித்த லபுசாக்னே; அடுத்த இடத்தில் ஸ்மித்!
சர்வதேச டெஸ்ட் பேட்டர்களுக்கான தரவரிசைப்பட்டியளில் ஆஸ்திரேலிய அணியின் மார்னஸ் லபுசாக்னே முதலிடத்தைப் பிடித்து அசத்தியுள்ளார்.
இந்நிலையில் இரு அணிகளுக்கும் இடையேயான இரண்டாவது டெஸ்ட் போட்டி நாளை பெர்த் மைதானத்தில் பகலிரவு ஆட்டமாக நடைபெறவுள்ளது. மேலும் இப்போட்டிக்கான ஆஸ்திரேலிய அணியின் கேப்டனாக ஸ்டீவ் ஸ்மித் செயல்படவுள்ளார்.
Trending
இந்நிலையில் சர்வதேச கிரிக்கெட் கவுன்சில் (ICC) இன்று டெஸ்ட் வீரர்களுக்கான தரவரிசைப் பட்டியலை வெளியிட்டுள்ளது. அதில், வெஸ்ட் இண்டீஸுக்கு எதிரான டெஸ்ட்டில் இரட்டை சதம் மற்றும் சதமடித்து அசத்திய ஆஸ்திரேலிய வீரர் மார்னஸ் லபுசாக்னே 935 புள்ளிகளைப் பெற்று முதலிடத்திற்கு முன்னேறியுள்ளார்.
அதேபோல் இப்போட்டியில் சதமடித்த ஆஸ்திரேலியாவின் ஸ்டீவ் ஸ்மித் 893 புள்ளிகளுடன் இரண்டாம் இடத்தைப் பிடித்துள்ளார். இப்போட்டியளின் மூன்றாம் இடத்தில் பாகிஸ்தான் கேப்டன் பாபர் ஆசாமும், நான்காம் இடத்தில் இங்கிலாந்தின் ஜோ ரூட்டும் இடம்பிடித்துள்ளார்.
இந்த பட்டியளில் இந்திய வீரர்கள் ரிஷப் பந்த் 5ஆம் இடத்தையும், கேப்டன் ரோஹித் சர்மா 9ஆவது இடத்தையும் தக்கவைத்துக்கொண்டுள்ளனர். அதேசமயம் பந்துவீச்சாளர் பட்டியளில் பாட் கம்மின்ஸ் முதலிடத்தையும், ரவிச்சந்திரன் அஸ்வின் இரண்டாம் இடத்திலும் நீடிக்கின்றனர்.
ஆல் ரவுண்டர்கள் வரிசையில் இந்தியாவின் ரவீந்திர ஜடேஜா தொடர்ந்து முதலிடத்தையும், பென் ஸ்டோக்ஸ் இரண்டாம் இடத்தையும், ரவிச்சந்திரன் அஸ்வின் மூன்றாம் இடத்திலும் தொடர்ந்து நீடித்து வருகின்றனர்.
Win Big, Make Your Cricket Tales Now
