PAK vs NZ, 4th ODI: பாபர் ஆசாம் அபார சதம்; நியூசிலாந்துக்கு கடின இலக்கு!

நியூசிலாந்துக்கு எதிரான 4ஆவது லீக் ஆட்டத்தில் முதலில் பேட்டிங் செய்த பாகிஸ்தான் அணி 335 ரன்களை இலக்காக நிர்ணயித்துள்ளது.

Babar Azam's brilliant century and Agha Salman's fifty guide Pakistan to put on a good total on the (Image Source: Google)

பாகிஸ்தானில் சுற்றுப்பயணம் மேற்கொண்டுள்ள நியூசிலாந்து அணி 5 போட்டிகள் கொண்ட டி20 மற்றும் 3 ஒருநாள்  போட்டிகள் கொண்ட ஒருநாள் தொடரில் விளையாடி வருகிறது.  இதில் நடைபெற்ற டி20 தொடரை இரு அணிகளும் 2-2 என்ற கணக்கில் சமன் செய்தன. 

இதையடுத்து நடைபெற்ற முதல் மூன்று ஒருநாள் போட்டிகளிலும் பாகிஸ்தான் அணி வெறிபெற்று 3-0 என்ற கணக்கில் தொடரைக் கைப்பற்றியது. இந்நிலையில் இரு அணிகளுக்கும் இடையேயான நான்காவது ஒருநாள் போட்டி இன்று கராச்சியில் நடைபெறுகிறது. இப்போட்டியில் டாஸ் வென்றுள்ள நியூசிலாந்து அணியின் கேப்டன் டாம் லேதம் முதலில் பந்துவீச முடிவுசெய்ததார். 

அதன்படி களமிறங்கிய பாகிஸ்தான் அணியின் தொடக்க வீரர் ஃபகர் ஸமான் 14 ரன்களில் ஆட்டமிழந்து ஏமாற்றமளித்தார். பின்னர் ஜோடி சேர்ந்த இமாம் உல் ஹக் - பாபர் அசாம் இணை பொறுப்பான ஆட்டத்தை வெளிப்படுத்தி அணியின் ஸ்கோரை உயர்த்தினர். இதில் அரைசதம் அடிப்பார் என எதிர்பார்க்கப்பட்ட இமாம் உல் ஹக் 44 ரன்களில் ஆட்டமிழக்க, அடுத்து வந்த முகமது ரிஸ்வானும் 24 ரன்களில் விக்கெட்டை இழந்தார். 

இதையடுத்து வந்த ஆகா சல்மான் கேப்டனுடன் இணைந்து பொறுப்பான ஆட்டத்தை வெளிப்படுத்தினார். இதில் அபாரமாக விளையாடிய பாபர் அசாம் சதமடித்த கையோடு 107 ரன்களி பெவிலியன் திரும்ப, அகா சல்மானும் 58 ரன்களில் விக்கெட்டை இழந்தார்.  இறுதியில் இஃப்திகார், முகமது ஹாரிஸ், ஷாஹின் அஃப்ரிடி ஆகியோர் ஓரளவு ரன்களைச் சேர்த்து பங்களித்தனர். 

இதன்மூலம் நிர்ணயிக்கப்பட்ட 50 ஓவர்கள் முடிவில் பாகிஸ்தான் அணி 6 விக்கெட் இழப்பிற்கு 334 ரன்களைச் சேர்த்தது, நியூசிலாந்து தரப்பில் மேட் ஹென்றி 3 விக்கெட்டுகளையும், பென் லிஸ்டர், இஷ் சோதி தலா ஒரு விக்கெட்டையும் கைப்பற்றி அசத்தினர். 

Win Big, Make Your Cricket Tales Now