BAN vs NZ: மீண்டும் தடுமாறிய நியூசிலாந்து; தொடரை வென்று சாதனை படைக்குமா வங்கதேசம்!

வங்கதேச அணிக்கெதிரான மூன்றாவது டி20 போட்டியில் முதலில் பேட்டிங் செய்த நியூசிலாந்து அணி 129 ரன்களை இலக்காக நிர்ணயித்தது.

வங்கதேசம் - நியூசிலாந்து அணிகளுக்கு இடையேயான மூன்றாவது டி20 போட்டி தாக்காவில் நடைபெற்று வருகிறது. இதில் டாஸ் வென்ற நியூசிலந்து அணி முதலில் பேட்டிங் செய்ய தீர்மானித்தது. 

அதன்படி களமிறங்கிய  நியூசிலாந்து அணிக்கு ஃபின் ஆலன் - ரச்சின் ரவீந்திரா அதிரடியான தொடக்கத்தைக் கொடுத்தனர். பின் 15 ரன்களில் ஃபின் ஆலன் ஆட்டமிழக்க, 20 ரன்காளில் ரவீந்திராவும் விக்கெட்டை இழந்தார். 

அடுத்து வந்த வில் யங் 20, கிராண்ட்ஹோம் 0, லேதம் 5 என எடுத்தடுத்து சொற்ப ரன்களில் ஆட்டமிழந்து ஏமாற்றமளித்தனர். பின்னர் ஜோடி சேர்ந்த டாம் பிளண்டல் - ஹென்றி நிக்கோலஸ் இணை சிறப்பான ஆட்டத்தை வெளிப்படுத்து அணியின் ஸ்கோரை உயர்த்தியது. 

இதன் மூலம் 20 ஓவர்கள் முடிவில் நியூசிலாந்து அணி 5 விக்கெட்டுகளை இழந்து 128 ரன்களைச் சேர்த்தது. இதில் இறுதிவரை ஆட்டமிழக்காமல் இருந்த ஹென்றி நிக்கோலஸ் 36 ரன்களையும், டாம் பிளண்டல் 30 ரன்களையும் சேர்த்தனர்.

வங்கதேச அணி தரப்பில் சைஃபுதில் 2 விக்கெட்டுகளையும், மெஹதி ஹசன், முஸ்தபிசூர் ரஹ்மான், மஹ்மதுல்லா தலா ஒரு விக்கெட்டைக் கைப்பற்றினர்.