BAN vs ENG, 3rd Test: உலக சாம்பியனை ஒயிட்வாஷ் செய்தது வங்கதேசம்!

இங்கிலாந்துக்கு எதிரான மூன்றாவது மற்றும் கடைசி டி20 போட்டியில் வங்கதேச அணி 16 ரன்கள் வித்தியாசத்தில் வெற்றிபெற்று, ஒயிட்வாஷ் வெற்றியைப் பெற்றுள்ளது.

Bangladesh Beat England By 16 Runs In 3rd T20I, Clinch Series 3-0 (Image Source: Google)

வங்கதேசத்தில் சுற்றுப்பயணம் மேற்கொண்டிருந்த இங்கிலாந்து அணி தற்போது 3 போட்டிகள் கொண்ட டி20 தொடரில் விளையாடி வந்தது. இதில் இதுவரை நடைபெற்ற முதலிரண்டு டி20 ஆட்டத்திலும் வங்கதேச அணி வெற்றிபெற்று 2-0 என்ற காணக்கில் தொடரை வென்றவது. இந்நிலையில் இரு அணிகளுக்கும் இடையேயான மூன்றாவது மற்றும் கடைசி டி20 போட்டி இன்று தாக்காவில் நடைபெற்றது. 

இப்போட்டியில் டாஸ் வென்ற இங்கிலாந்து அணி முதலில் பந்துவீச தீர்மானித்து களமிறங்கியது. அதன்படி களமிறங்கிய வங்கதேச அணிக்கு லிட்டன் தாஸ் - ரோனி தலுக்தர் இணை அதிரடியான தொடக்கத்தைக் கொடுத்து அணிக்கு அடித்தளத்தை அமைத்துக்கொடுத்தனர். இதில் ரோனி தலுக்தர் 24 ரன்களுக்கு விக்கெட்டை இழந்தார். 

பின்னர் லிட்டன் தாஸுடன் இணைந்த நஜ்முல் ஹுசைன் சாண்டோவும் அதிரடியாக விளையாட அணியின் ஸ்கோரும் மளமளவென உயர்ந்தது. அதேசமயம் மறுபக்கம் அபாரமாக விளையாடிய லிட்டன் தாஸ் அரைசதம் கடந்து அசத்தினார். பின் 73 ரன்கள் சேர்த்த நிலையில் லிட்டன் தாஸின் விக்கெட்டை கிறிஸ் ஜோர்டன் கைப்பற்றினார். 

இருப்பினும் இறுதிவரை ஆட்டமிழக்காமல் இருந்த நஹ்முல் ஹுசைன் 47 ரன்களைச் சேர்த்து இறுதிவரை ஆட்டமிழக்காமல் இருந்தனர். இதன்மூலம் 20 ஓவர்கள் முடிவில் வங்கதேச அணி 2 விக்கெட் இழப்பிற்கு 158 ரன்களைச் சேர்த்தது. இங்கிலாந்து தரப்பில் ஆதில் ரஷித், கிறிஸ் ஜோர்டன் தலா ஒரு விக்கெட்டை கைப்பற்றினர். 

இதையடுத்து இலக்கை நோக்கி களமிறங்கிய இங்கிலாந்து அணியில் பிலிப் சால்ட் முதல் பந்திலேயே ஆட்டமிழந்து பெவிலியனுக்கு திரும்பினார். பின்னர் ஜோடி சேர்ந்த டேவிட் மாலன் - ஜோஸ் பட்லர் இணை சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினர். இதில் டேவிட் மாலன் தனது அரைசதத்தைப் பதிவுசெய்தார். 

அதனைத்தொடர்ந்து டேவிட் மாலன் 53 ரன்களுக்கு ஆட்டமிழக்க, அவரைத்தொடர்ந்து 40 ரன்களுக்கு ஜோஸ் பட்லரும் ரன் அவுட்டாகி பெவிலியனுக்கு திரும்பினர். பின்னர் களமிறங்கிய பென் டக்கெட், மொயீன் அலி, சாம் கரண் ஆகியோரும் சொற்ப ரன்களுக்கு விக்கெட்டுகளை இழந்து பெவிலியனுக்கு நடையைக் கட்டினர். 

இறுதியில் நிர்ணயிக்கப்பட்ட 20 ஓவர்கள் முடிவில் இங்கிலாந்து அணி 6 விக்கெட் இழப்பிற்கு 142 ரன்களை மட்டுமே எடுத்தது. வங்கதேசம் தரப்பில் டஸ்கின் அகமது 2 விக்கெட்டுகளைக் கைப்பற்றினர். இதன்மூலம் வங்கதேச அணி 16 ரன்கள் வித்தியாசத்தில் இங்கிலாந்தை வீழ்த்தியதுடன், 3-0 என்ற கணக்கில் டி20 தொடரையும் கைப்பற்றி, நடப்பு டி20 உலகச்சாம்பியனை வைட்வாஷ் செய்து அசத்தியுள்ளது. 

Win Big, Make Your Cricket Tales Now