BAN vs ZIM: இரண்டாவது டெஸ்ட் போட்டிக்கான வங்கதேச அணி அறிவிப்பு!
ஜிம்பாப்வே அணிக்கு எதிரான இரண்டாவது டெஸ்ட் போட்டியில் விளையாடும் வங்கதேச அணியில் சில மாற்றங்கள் செய்யப்பட்டுள்ளன.
இதனையடுத்து இரு அணிகளுக்கும் இடையேயான இரண்டாவது மற்றும் கடைசி டெஸ்ட் போட்டி ஏப்ரல் 28ஆம் தேதி சிட்டாகாங்கில் நடைபெறவுள்ளது. இப்போட்டியிலும் வங்கதேச அணி தோல்வியைத் தழுவினாலோ அல்லது போட்டியை டிரா செய்தாலோ தொடரை இழக்கும் என்பதால் அந்த அணி கூடுதல் கவனத்துடன் இப்போட்டியை எதிர்கொள்ளவுள்ளது. இந்நிலையில் இப்போட்டிக்கான வங்கதேச அணி இன்று அறிவித்துள்ளது.
Also Read
அதன்படி இப்போட்டிக்கான வங்கதேச அணியில் சில மாற்றங்களும் செய்யப்பட்டுள்ளனர். அதன்படி பாகிஸ்தான் சூப்பர் லீக் தொடரில் பங்கேற்பதற்காக நஹித் ரானா அணியில் இருந்து விலகியுள்ள நிலையில், அவரது இடத்தில் அனமுல் ஹக் டெஸ்ட் அணியில் சேர்க்கப்பட்டுள்ளார். இதனால் இரண்டாவது டெஸ்ட் போட்டியில் ஜாகீர் ஹசனுக்கு பதிலாக அனமுல் ஹக் பிளேயிங் லெவனில் இடம்பிடிக்க வாய்ப்புள்ளது.
முன்னதாக கடந்த 2022ஆம் ஆண்டு இந்திய அணிக்கு எதிரான டெஸ்ட் தொடரில் கடைசியாக விளையாடிய அனமுல் ஹக், அதன்பின் மோசமான ஃபார்ம் காரணமாக அணியில் இருந்து நீக்கப்பட்டிருந்தார். இந்நிலையில் தான் உள்ளூர் போட்டிகளில் சிறப்பாக செயல்பட்டதன் காரணமாக அவருக்கு மீண்டும் வாய்ப்பு வழங்கப்பட்டுள்ளது. கடந்த 2013 ஆம் ஆண்டு டெஸ்ட் போட்டியில் அறிமுகமான அனமுல், இந்த வடிவத்தில் ஐந்து போட்டிகளில் மட்டுமே விளையாடியுள்ளார் என்பதும் குறிப்பிடத்தக்கது.
மேற்கொண்டு இப்போட்டிக்கான வங்கதேச அணியில் அறிமுக சுழற்பந்து வீச்சாளர் தன்வீர் இஸ்லாமிற்கும் வாய்ப்பு வழங்கப்பட்டுள்ளது. இதுதவிர்த்து அணியின் கேப்டனாக நஜ்முல் ஹொசைன் சாண்டோ கேப்டனாக தொடரும் நிலையில், மெஹிதி ஹ்சன் மிராஸ், முஷ்ஃபிக்கூர் ரஹீம், ஷாத்மான் இஸ்லாம், மொமினுல் ஹக், ஜக்கர் அலி உள்ளிட்ட நட்சத்திர வீரர்களும் அணியில் தொடர்வது குறிப்பிடத்தக்கது.
Also Read: LIVE Cricket Score
வங்கதேச டெஸ்ட் அணி: நஜ்முல் ஹொசைன் சாண்டோ (கேப்டன்), மஹ்முதுல் ஹசன் ஜாய், ஷத்மான் இஸ்லாம், அனாமுல் ஹக், மொமினுல் ஹக், முஷ்ஃபிகூர் ரஹீம், மஹிதுல் இஸ்லாம் அன்கான், ஜாக்கர் அலி, மெஹிதி ஹசன் மிராஸ், தைஜுல் இஸ்லாம், நயீம் ஹசன், தன்வீர் இஸ்லாம், ஹசன் மஹ்மூத், கலீத் அகமது, தன்சிம் ஹசன் சாகிப்
Win Big, Make Your Cricket Tales Now
