BANW vs INDW, 2nd T20I : இந்தியாவை 95 ரன்களில் சுருட்டியது வங்கதேசம்

BANW vs INDW, 2nd T20I : Excellent bowling performance by Bangladesh as they restrict India to 95/8! (Image Source: Google)

By Bharathi Kannan
Jul 11, 2023 • 03:04 PM

வங்கதேசத்தில் சுற்றுபயணம் மேற்கொண்டுள்ள இந்திய மகளிர் அணி தற்போது டி20 தொடரில் விளையாடி வருகிறது. இதில் முதல் டி20 போட்டியில் இந்திய அணி வெற்றிபெற்று 1-0 என்ற கணக்கில் தொடரில் முன்னிலைப் பெற்றுள்ளது. 

By Bharathi Kannan
July 11, 2023 • 03:04 PM

இந்நிலையில் இரு அணிகளுக்கும் இடையேயான இரண்டாவது டி20 போட்டி தாக்காவில் இன்று நடைபெற்று வருகிறது. இப்போட்டியில் டாஸ் வென்ற இந்திய மகளிர் அணி முதலில் பேட்டிங் செய்வதாக அறிவித்தது. அதன்படி களமிறங்கிய இந்திய அணிக்கு ஸ்மிருதி மந்தனா - ஷஃபாலி வர்மா இணை அதிரடியான தொடக்கத்தைக் கொடுத்தனர். 

இதில் ஸ்மிருதி மந்தனா 13 ரன்களில் ஆட்டமிழக்க, அவரைத் தொடர்ந்து ஷஃபாலி வர்மாவும் 19 ரன்களுக்கு ஆட்டமிழந்து பெவிலியன் திரும்பினார். அதன்பின் தான் இந்திய அணிக்கு பெரும் அதிர்ச்சி காத்திருந்தது. நட்சத்திர வீராங்கனைகள் ஜெமிமா ரோட்ரிக்ஸ், கேப்டன் ஹர்மன்ப்ரீத் கவுர், யஸ்திகா பாட்டியா, ஹர்லீன் தியோல், தீப்தி ஷர்மா என அடுத்தடுத்து சொற்ப ரன்களுக்கு ஆட்டமிழந்து ஏமாற்றமளித்தனர். 

இறுதியில் அமன்ஜோத் கவுர், பூஜா வஸ்திரேகர், மின்னு மணி ஒருசில பவுண்டரிகளை விளாசினர். இதன்மூலம் இந்திய அணி நிர்ணயிக்கப்பட்ட 20 ஓவர்கள் முடிவில் 8 விக்கெட்டுகளை இழந்து 95 ரன்களை மட்டுமே எடுத்தது. வங்கதேச அணி தரப்பில் சுல்தானா 3 விக்கெட்டுகளையும், ஃபஹிமா 2 விக்கெட்டுகளையும் கைப்பற்றினர்.