பிபிஎல் 2021: சதம் விளாசிய முன்ரோ; பெர்த் அசத்தல் வெற்றி!
அடிலெய்ட் ஸ்டிரைக்கர்ஸ் அணிக்கெதிரான பிக் பேஷ் லீக் ஆட்டத்தில் பெர்த் ஸ்காச்சர்ஸ் அணி 49 ரன்கள் வித்தியாசத்தில் வெற்றிபெற்றது.
இப்போட்டியில் டாஸ் வென்று பேட்டிங் செய்த பெர்த் அணிக்கு தொடக்க வீரர் காலின் முன்ரோ அபாரமான ஆட்டத்தை வெளிப்படுத்தி சதமடித்து அசத்தினார்.
இதன்மூலம் 20 ஓவர்கள் முடிவில் பெர்த் அணி ஒரு விக்கெட் இழப்பிற்கு 195 ரன்களைச் சேர்த்தது. இதில் இறுதிவரை ஆட்டமிழக்காமல் இருந்தர் காலின் முன்ரோ 114 ரன்களைக் குவித்திருந்தார்.
அதன்பின் கடின இலக்கை துரத்திய ஸ்டிரைக்கர்ஸ் அணியில் தொடக்க வீரர் மேத்யூ ஷார்டை தவிர மற்ற யாரும் சொபிக்கத் தவறினர்.
இதனால் 17.5 ஓவர்களிலேயே ஸ்டிரைக்கர்ஸ் அணி அனைத்து விக்கெட்டுகளையும் இழந்து 146 ரன்களை மட்டுமே எடுத்தது. பெர்த் அணி தரப்பில் பெஹ்ன்ரெஃப், ஆண்ட்ரூ டை தலா 3 விக்கெட்டுகளைக் கைப்பற்றினர்.
இதன் மூலம் பெர்த் ஸ்காச்சர்ஸ் அணி 49 ரன்கள் வித்தியாசத்தில் அடிலெய்ட் ஸ்டிரைக்கர்ஸ் அணியை வீழ்த்தி அசத்தல் வெற்றியைப் பெற்றது.
Win Big, Make Your Cricket Tales Now
