BBL 12: பெர்த் ஸ்காச்சர்ஸை வீழ்த்தி ஹாபர்ட் ஹரிகேன்ஸ் த்ரில் வெற்றி!
பெர்த் ஸ்காச்சர்ஸ் அணிக்கெதிரான பிபிஎல் லீக் ஆட்டத்தில் ஹாபர்ட் ஹரிகேன்ஸ் அணி 8 ரன்கள் வித்தியாசத்தில் வெற்றிபெற்றது.
அதன்படி களமிறங்கிய அந்த அணியின் தொடக்க வீரர் பென் மொக்டர்மோட் முதல் பந்திலேயே டக் அவுட்டாகி பெவிலியன் திரும்பினார். பின்னர் ஜோடி சேர்ந்த டி ஆர்சி ஷார்ட்- மேத்யூ வேட் இணை அதிரடியான ஆட்டத்தை வெளிப்படுத்தி அணியின் ஸ்கோரை உயர்த்தினர். இதில் ஷார்ட் 35 ரன்களில் ஆட்டமிழக்க, மறுமுனையில் அரைசதம் கடந்த கையோடு 51 ரன்களில் மேத்யூ வேடும் விக்கெட்டை இழந்தார்.
Trending
அதன்பின் சதாப் கான் 26 ரன்களில் விக்கெட்டை இழக்க, கடைசிவரை களத்தில் இருந்த டிம் டேவிட் 28 பந்துகளில் 46 ரன்களைச் சேர்த்து அசத்தினார். இதன்மூலம் 20 ஓவர்கள் முடிவில் ஹாபர்ட் ஹரிகேன்ஸ் அணி 8 விக்கெட் இழப்பிற்கு 172 ரன்களைச் சேர்த்தது. பெர்த் அணி தரப்பில் ஜெய் ரிச்சர்ட்சன் 3 விக்கெட்டுகளை வீழ்த்தினார்.
இதையடுத்து கடின இலக்கை துரத்திய பெர்த் அணியில் ஆடம் லித், நிக் ஹாப்சன் ஆகியோர் சொற்ப ரன்களில் விக்கெட்டை இழந்து நடையைக் கட்டினர். பின் அதிரடியாக விளையாடி ஃபாஃப் டூ பிளெசிஸும் 32 ரன்களில் ஆட்டமிழக்க, அடுத்து வந்த ஜோஷ் இங்கிலிஸ் அரைசதம் கடந்து வெற்றிக்காக போராடினார்.
ஆனால் அவரும் 62 ரன்களோடு வெளியேற, பின்னர் களமிறங்கிய வீரர்களும் சோபிக்க தவறினர். இதனால் 20 ஓவர்கள் முடிவில் பெர்த் ஸ்காச்சர்ஸ் அணி 8 விக்கெட் இழப்பிற்கு 164 ரன்களை மட்டுமே எடுத்தது. ஹரிகேன்ஸ் அணி தரப்பில் பேட்ரிக் டூலே 4 விக்கெட்டுகளை வீழ்த்தினார்.
இதன்மூலம் ஹாபர்ட் ஹரிகேன்ஸ் அணி 8 ரன்கள் வித்தியாசத்தில் பெர்த் ஸ்காச்சர்ஸ் அணியை வீழ்த்தி த்ரில் வெற்றியைப் பதிவுசெய்து அசத்தியது.
Win Big, Make Your Cricket Tales Now
