பிபிஎல் 2022: அடிலெய்ட் ஸ்டிரைக்கர்ஸை வீழ்த்தி பெர்த் ஸ்காச்சர்ஸ் த்ரில் வெற்றி!
அடிலெய்ட் ஸ்டிரைக்கர்ஸுக்கு எதிரான பிபிஎல் லீக் ஆட்டத்தில் பெர்த் ஸ்காச்சர்ஸ் அணி 3 விக்கெட் வித்தியாசத்தில் வெற்றிபெற்றது.
அதன்படி களமிறங்கிய ஹென்றி ஹண்ட் முதல் பந்திலேயே விக்கெட்டை இழந்து பெவிலியனுக்கு நடையைக் கட்டினார். அதன்பின் மற்றொரு தொடக்க வீரரான மேத்யூ ஷார்ட் 16 ரன்களில் ஆட்டமிழந்தார். பின்னர் களமிறங்கிய கிறிஸ் லின் அதிரடியான ஆட்டத்தை வெளிப்படுத்தி 35 ரன்களைச் சேர்த்தார்.
Trending
பின்னர் களமிறங்கிய ஆடம் ஹோஸ், காலின் டி கிராண்ட்ஹோம், தாமஸ் கெல்லி ஆகியோரும் சொற்ப ரன்களுக்கு விக்கெட்டுகளை இழக்க, 20 ஓவர்கள் முடிவில் அந்த அணி 7 விக்கெட் இழப்பிற்கு 133 ரன்களைச் சேர்த்தனர். பெர்த் அணி தரப்பில் ஆண்ட்ரூ டை 3 விக்கெட்டுகளை வீழ்த்தினார்.
இதையடுத்து களமிறங்கிய பெர்த் ஸ்காச்சர்ஸ் அணியின் நட்சத்திர வீரர்கள் ஃபாஃப் டூ பிளெசிஸ், ஆடம் லித், நிக் ஹாப்சன், ஜோஷ் இங்லிஸ், ஆரோன் ஹார்டி ஆகியோர் அடுத்தடுத்து சொற்ப ரன்களுக்கு விக்கெட்டுகளை இழக்க, 63 ரன்களுக்குள்ளே 6 விக்கெட்டுகளை இழந்தனர்.
பின்னர் களமிறங்கிய கேப்டன் ஆஷ்டன் டர்னர் இறுதிவரை ஆட்டமிழக்காமல் 38 பந்துகளில் 3 பவுண்டரி, 2 சிக்சர்கள் என 48 ரன்களைச் சேர்த்து அணியை வெற்றிபெறச் செய்தார். இதன்மூலம் பெர்த் ஸ்காச்சர்ஸ் அணி 19.1 ஓவர்களில் இலக்கை எட்டி, 3 விக்கெட் வித்தியாசத்தில் த்ரில் வெற்றியைப் பெற்றது.
Win Big, Make Your Cricket Tales Now
