14ஆவது சீசன் பிக் பேஷ் லீக் தொடர் இறுதிக்கட்டத்தை எட்டியுள்ள நிலையில், இன்று நடைபெற்ற 39ஆவது லீக் ஆட்டத்தில் பெர்த் ஸ்காச்சர்ஸ் மற்றும் அடிலெய்ட் ஸ்டிரைக்கர்ஸ் அணிகள் பலப்பரீட்சை நடத்தின. பெர்த்தில் நடைபெற்ற இப்போட்டியில் டாஸை இழந்து முதலில் பேட்டிங் செய்த அடிலெய்ட் ஸ்டிரைக்கர்ஸ் அணிக்கு அலெக்ஸ் கேரி - கேப்டன் மேத்யூ ஷார்ட் இணை அதிரடியான தொடக்கத்தைக் கொடுத்தனர்.
இதில் அதிரடியாக தொடங்கிய அலெக்ஸ் கேரி 2 பவுண்டரி, 2 சிக்ஸர்கள் என 22 ரன்களைச் சேர்த்த கையோட் விக்கெட்டை இழந்தார். அவரைத்தொடர்ந்து களமிறங்கிய ஒல்லி போப்பும் ஒரு ரன்னுடன் விக்கெட்டை இழந்தார். பின்னர் மேத்யு ஷார்ட்டுடன் இணைந்த லியாம் ஸ்காட் அதிரடியாக விளையாடி அணியின் ஸ்கோரை உயர்த்தினர். இப்போட்டியில் அரைசதம் அடிப்பார் என எதிர்பார்க்கப்பட்ட மேத்யூ ஷார்ட் 40 ரன்களில் விக்கெட்டை இழந்த நிலையில், மறுபக்கம் அதிரடியாக விளையாடி வந்த லியாம் ஷாட் தனது அரைசதத்தைப் பதிவுசெய்து அசத்தினார்.
அதேசமயம் மறுமுனையில் களமிறங்கிய அலெக்ஸ் ரோஸ் 6 ரன்களுக்கும், ஹாரி மனெட்டி 3 ரன்னிலும், டி ஆர்சி ஷார்ட் 10 ரன்னிலும், பிராண்டன் டக்கெட் 2 ரன்னிலும் என ஆட்டமிழக்க, லியாம் ஸ்காட் 4 பவுண்டரி, 5 சிக்ஸர்கள் என 67 ரன்களில் விக்கெட்டை இழந்தார். இதனால் அடிலெய்ட் ஸ்டிரைக்கர்ஸ் அணி 19.1 ஓவர்களில் அனைத்து விக்கெட்டுகளையும் இழந்து 161 ரன்களுக்கு ஆல் அவுட்டானது. பெர்த் ஸ்கார்ச்சர்ஸ் அணி தரப்பில் சிறப்பான பந்துவீச்சை வெளிப்படுத்திய ஜேசன் பெஹ்ரென்டோர்ஃப், மஹ்லி பெர்ட்மன் தலா 3 விக்கெட்டுகளை கைப்பற்றினர்.
