பிபிஎல் 2022: பென் துவர்ஷுயிஸ் பந்துவீச்சில் சுருண்டது ரெனிகேட்ஸ்!
மெல்போர்ன் ரெனிகேட்ஸ் அணிக்கெதிரான பிபிஎல் லீக் ஆட்டத்தில் சிட்னி சிக்சர்ஸ் அணி 45 ரன்கள் வித்தியாசத்தில் அபார வெற்றியைப் பெற்றது.
இதில் டாஸ் வென்று முதலில் பேட்டிங் செய்த சிட்னி சிக்சர்ஸ் அணி ஜேக் எட்வர்ட்ஸ், கேப்டன் ஹென்ரிக்ஸ் ஆகியோரது அதிரடியான ஆட்டத்தினால் 20 ஓவர்கள் முடிவில் 6 விக்கெட் இழப்பிற்கு 150 ரன்களைச் சேர்த்தனர்.
இதில் அதிகபட்சமாக ஹென்ரிக்ஸ் 49 ரன்களையும், எட்வர்ட்ஸ் 40 ரன்களையும் சேர்த்தனர். ரெனிகேட்ஸ் அணி தரப்பில் கேன் ரிச்சர்ட்சன், போயிஸ் தலா 2 விக்கெட்டுகளைக் கைப்பற்றினர்.
இதையடுத்து இலக்கை துரத்திய ரெனிகேட்ஸ் அணியில் ஆரோன் ஃபிஞ்ச் 3 ரன்னிலும், ஜேக் ஃபிரசர் 6 ரன்னிலும், ஷான் மார்ஷ் 39 ரன்னிலும், மெடின்சன் 9 ரன்னிலும் ஆட்டமிழந்து ஏமாற்றமளித்தனர்.
பின்னர் களமிறங்கிய வீரர்களும் வந்த வேகத்திலேயே நடையைக் கட்டினர். இதனால் 17 ஓவர்களிலேயே ரெனிகேட்ஸ் அணி அனைத்து விக்கெட்டுகளையும் இழந்து 105 ரன்களை மட்டுமே எடுத்தது. சிட்னி அணி தரப்பில் பென் துவர்ஷுயிஸ் 5 விக்கெட்டுகளைக் கைப்பற்றினார்.
இதன்மூலம் சிட்னி சிக்சர்ஸ் அணி 45 ரன்கள் வித்தியாசத்தில் மெல்போர்ன் ரெனிகேட்ஸ் அணியை வீழ்த்தி அபார வெற்றியைப் பெற்றது.
Win Big, Make Your Cricket Tales Now
