பிபிஎல் 2022: குரிந்தர் சந்து ஹாட்ரிக்கில் தண்டர் அசத்தல் வெற்றி!

பெர்த் ஸ்காச்சர்ஸ் அணிக்கெதிரான பிபிஎல் லீக் அட்டத்தில் சிட்னி தண்டர் அணி 6 விக்கெட் வித்தியாசத்தில் அபார வெற்றியைப் பெற்றது.

பிக் பேஷ் லீக் தொடரில் இன்று நடைபெற்ற 38ஆவது லீக் ஆட்டத்தில் பெர்த் ஸ்காச்சர்ஸ் - சிட்னி தண்டர் அணிகள் மோதின. போட்டி தொடங்கும் முன் மழை பெய்ததன் காரணமாக ஆட்டம் 18 ஓவர்களாக குறைக்கப்பட்டது. 

இதையடுத்து டாஸ் வென்று முதலில் பேட்டிங் செய்த பெர்த் ஸ்காச்சர்ஸ் அணி குரிந்தர் சந்துவின் அபாரமான பந்துவீச்சை தாக்குப்பிடிக்க முடியாமல் அடுத்தடுத்து விக்கெட்டுகளை இழந்தது. இதில் குரிந்தர் சந்து ஹாட்ரிக் விக்கெட்டுகளைக் கைப்பற்றினார். 

இதனால் 18 ஓவர்கள் முடிவில் பெர்த் அணி 9 விக்கெட்டுகளை இழந்து 133 ரன்களை மட்டுமே எடுத்தது. தண்டர் அணி தரப்பில் குரிந்தர் சிங் 4 விக்கெட்டுகளைக் கைப்பற்றினார்.

இதையடுத்து இலக்கை துரத்திய தண்டர் அணியில் மேத்யூ கில்க்ஸ், ஜேசன் சங்கா இணை பொறுப்பான ஆட்டத்தை வெளிப்படுத்தி அணியை வெற்றிக்கு அழைத்துச் சென்றது. 

இதன்மூலம் 17 ஓவர்களில் தண்டர் அணி இலக்கை எட்டி, 6 விக்கெட் வித்தியாசத்தில் பெர்த் ஸ்காச்சர்ஸ் அணியை வீழ்த்தியது.

Win Big, Make Your Cricket Tales Now