இந்திய டி20 அணியின் முழுநேர கேப்டனாகிறாரா ஹர்திக் பாண்டியா?

இந்திய டி20 அணியின் கேப்டன் பொறுப்பிலிருந்து ரோஹித் சர்மாவை விலக்கி, ஹர்திக் பாண்டியா முழுநேர கேப்டனாக நியமிக்கப்படவுள்ளதாக தகவல் வெளியாகியுள்ளது.

BCCI has reportedly decided to go forward with split captaincy! (Image Source: Google)

மும்பை இந்தியன்ஸ் அணியின் ரோகித் சர்மாவின் கேப்டன்சியில் பல ஆண்டுகள் விளையாடிய ஹர்திக் பாண்டியாவை கடந்த ஐபிஎல் தொடரின்போதே மும்பை அணி தக்கவைக்கவில்லை. இது ரசிகர்களுக்கு அப்போது வியப்பாக இருந்தது. 

மும்பையின் நம்பிக்கை நட்சத்திரமாக இந்த ஹர்திக்கை மும்பை ஏன் தக்கவைக்கவில்லை என கேள்வி எழுந்தபோது, ஹர்திக் மும்பை அணியின் கேப்டனாக விரும்பியதாகவும், அதற்கு அந்த அணி சம்மதம் தெரிவிக்காததால் வெளியேற்றிவிட்டதாகவும் கூறப்பட்டது. அதன்பின் குஜராத் அணிக்கு கேப்டனாகி ஐபிஎல் கோப்பையை வென்ற ஹர்திக், இப்போது இந்திய டி20அணிக்கு கேப்டனாகியுள்ளார்.

நியூசிலாந்து அணிக்கு எதிரான டி20 தொடரில் ஹர்திக் பாண்டியா தலைமையிலான இந்திய அணி தான் களமிறங்க இருக்கிறது. இந்த போட்டிக்கு முன்பாக பேசிய ஹர்திக் பாண்டியா, அடுத்த 20 ஓவர் உலக கோப்பைக்கான பயணத்தை இந்திய அணி இப்போதே தொடங்கிவிட்டதாக தெரிவித்தார். 

அதன்மூலம் அடுத்த டி20 இந்திய அணியின் கேப்டன் ஹர்திக் பாண்டியா தான் என்பதை மறைமுகமாக அவர் கூறியிருப்பதாக யூகங்கள் கிளம்பியிருக்கின்றன. பிசிசிஐயும் அந்த முடிவில் தான் இருக்கிறது. 

ஆஸ்திரேலியாவில் நடைபெற்ற டி20 உலக கோப்பையில் இந்திய அணி அரையிறுதியில் மிக மோசமாக தோல்வியை அடைந்ததால் சீனியர் வீரர்களை டி20 அணியில் இருந்து ஓரம் கட்ட பிசிசிஐ முடிவெடுத்துள்ளது. விராட் கோலியை தவிர மற்ற சீனியர் பிளேயர்கள் அனைவரும் ஓரம் கட்டப்பட்டு இளம் வீரர்களுக்கு வாய்ப்பு கொடுக்கும் முனைப்பில் பிசிசிஐ இருப்பதால், எந்நேரமும் ரோஹித் சர்மாவின் கேப்டன்சி பறிக்கப்படலாம் என்ற நிலை உள்ளது. 

 

Tests - Rohit Sharma
ODIs - Rohit Sharma
T20Is - Hardik Pandya

Split captaincy in Indian cricket!#CricketTwitter #INDvNZ #NZvIND #T20WorldCup #RohitSharma #BCCI #ViratKohli #HardikPandya pic.twitter.com/OBcPdnwx3S

— CRICKETNMORE (@cricketnmore) November 18, 2022

இந்நிலையில், இந்திய டி20 அணியின் கேப்டன் பொறுப்பை ரோஹித்திடமிருந்து பறித்து, ஹர்திக் பாண்டியாவை முழுநேர கேப்டனாக நியமிக்கவுளதாக தகவல் வெளியாகியுள்ளது. அதன்படி இந்திய டி20 அணிக்கு ஹர்திக் பாண்டியாவையும், ஒருநாள் மற்றும் டெஸ்ட் அணிகளுக்கு ரோஹித் சர்மாவையும் நியமிக்கவுள்ளதாக தகவல் வெளியாகியுள்ளது. 

Win Big, Make Your Cricket Tales Now