தென் ஆப்பிரிக்க தொடருக்கான இங்கிலாந்து அணி அறிவிப்பு!

தென் ஆப்பிரிக்க அணிக்கெதிரான ஒருநாள் மற்றும் டி20 தொடருக்கான ஜோஸ் பட்லர் தலைமையிலான இங்கிலாந்து அணி அறிவிக்கப்பட்டுள்ளது.

Ben Stokes Rested For The Hundred & T20I Series Against South Africa; Matty Potts Receives Maiden OD (Image Source: Google)

இங்கிலாந்து தற்போது இந்தியாவுடனான தொடரில் விளையாடி வருகிறது. டி20 தொடரை இழந்த இங்கிலாந்து அணி ஒருநாள் தொடரில் 1-1 என்ற கணக்கில் சமநிலையில் உள்ளது. 

இந்நிலையில் நாளை இந்தியாவுடனான 3ஆவது மற்றும் கடைசி ஒருநாள் போட்டியில் இங்கிலாந்து அணி விளையாட உள்ளது. இந்த தொடரை வெல்ல இங்கிலாந்து அணி கடுமையாக போராடும்.

இந்தியாவுடானான தொடர் நாளையுடன் முடிவடைகிறது. இதனையடுத்து தென் ஆப்பிரிக்கா அணி இங்கிலாந்தில் சுற்றுப்பயணம் செய்து 3 ஒருநாள், 3 டி20, 3 டெஸ்ட் போட்டியில் விளையாட உள்ளது.

இங்கிலாந்தின் சுழற்பந்து வீச்சாளர் ஆதில் ரஷித் தனது புனித யாத்திரை இடைவேளைக்குப் பிறகு அணியில் இணைய உள்ளார். தென் ஆப்பிரிக்காவுக்கு எதிரான மூன்று போட்டிகள் கொண்ட டி20 மற்றும் ஒருநாள் தொடருக்கான அணியில் இவர் இடம் பிடித்துள்ளார். 

இந்தியாவுக்கு எதிரான டி20 போட்டிகளில் இடம் பெறாத பேர்ஸ்டோவ் தென் ஆப்பிரிக்காவுக்கு எதிரான டி20 தொடரில் இடம் பெற்றுள்ளார்.

இந்தியாவுக்கு எதிரான டி20 தொடரில் சிறப்பாக ஆடிய ரிச்சர்ட் க்ளீசன் தொடர்ந்து அணியில் இடம்பிடித்துள்ளார். இங்கிலாந்து அணியின் மற்றொரு வீரரான பென் ஸ்டோக்ஸ்-க்கு டி20 தொடரில் ஓய்வு அளிக்கப்பட்டுள்ளது.

ஒருநாள் அணி: ஜோஸ் பட்லர் (கேப்டன்), மொயின் அலி, ஜானி பேர்ஸ்டோவ், பிரைடன் கார்ஸ், சாம் கரன், லியாம் லிவிங்ஸ்டன், கிரேக் ஓவர்டன், மேத்யூ பாட்ஸ், ஆதில் ரஷித், ஜோ ரூட், ஜேசன் ராய், பில் சால்ட், பென் ஸ்டோக்ஸ், ரீஸ் டாப்லி, டேவிட் வில்லி.

டி20 அணி: ஜோஸ் பட்லர் (கேப்டன்), மொயின் அலி, ஜானி பேர்ஸ்டோவ், ஹாரி புரூக், சாம் கரன், கிறிஸ் ஜோர்டான், லியாம் லிவிங்ஸ்டன், டேவிட் மலான், ஆதில் ரஷித், ஜேசன் ராய், பில் சால்ட், ரீஸ் டாப்லி, டேவிட் வில்லி.

Win Big, Make Your Cricket Tales Now