ENGW vs NZW: 15 பேர் இங்கிலாந்து மகளிர் அணி அறிவிப்பு!

நியூசிலாந்து மகளிர் அணியுடன் டி20 தொடரில் விளையாடும் 15 பேர் அடங்கிய இங்கிலாந்து மகளிர் அணி இன்று அறிவிக்கப்பட்டது.

நியூசிலாந்து மகளிர் அணி இங்கிலாந்தில் சுற்றுப்பயணம் செய்து ஐந்து ஒருநாள், 3 டி20 போட்டிகள் கொண்ட தொடரில் விளையாடுகிறது. இதில் இரு அணிகளுக்கும் இடையேயான முதல் டி20 போட்டி செப்டம்பர் 1ஆம் தேதி நடைபெறுகிறது.

இத்தொடருக்கு சோபி டிவைன் தலைமையிலான நியூசிலாந்து அணி ஏற்கெனவே அறிவிக்கப்பட்ட நிலையில், அவர்கள் இங்கிலாந்து வந்தடைந்து தனிமைப்படுத்துதலில் ஈடுபட்டு வருகின்றனர். 

இந்நிலையில், நியூசிலாந்துடனான டி20 தொடருக்கான 15 பேர் அடங்கிய இங்கிலாந்து மகளிர் அணி இன்று அறிவிக்கப்பட்டுள்ளது. இந்த அணியில் மாயா பௌச்சியர், சார்லி டீன் ஆகியோர் அறிமுக வீராங்கனைகளாக சேர்க்கப்பட்டுள்ளனர். 

இங்கிலாந்து மகளிர் அணி: ஹீதர் நைட் (கேப்டன்), டாமி பியூமாண்ட், மாயா பௌச்சியர், கேத்ரின் ப்ரண்ட், ஃப்ரேயா டேவிஸ், சார்லி டீன், சோபியா டங்க்லி, சோஃபி எக்லஸ்டோன், டாஷ் ஃபாரண்ட், சாரா க்ளென், ஏமி ஜோன்ஸ், நாட்டாலி ஸ்கைவர், அன்யா ஷ்ரூப்சோல், மேடி வில்லியர்ஸ், டானி வில்லியர்ஸ்.

Win Big, Make Your Cricket Tales Now