ZIM vs WI, 1st Test: சந்தர்பால் அசத்தல் இரட்டை சதம்; தடுமாறும் ஜிம்பாப்வே!

வெஸ்ட் இண்டீஸுக்கு எதிரான முதல் டெஸ்டின் நான்காம் நாள் ஆட்டநேர முடிவில் ஜிம்பாப்வே அணி 3 விக்கெட்டுகளை இழந்து தடுமாறியுள்ளது.

Brathwaite, Chanderpaul Set New Record Opening Partnership For West Indies (Image Source: Google)

வெஸ்ட் இண்டீஸ் அணி ஜிம்பாப்வேவில் சுற்றுப்பயணம் செய்து 2 டெஸ்ட் போட்டிகள் கொண்ட தொடரில் விளையாடிவருகிறது. முதல் டெஸ்ட் போட்டியில் டாஸ் வென்று முதலில் பேட்டிங் ஆடிய வெஸ்ட் இண்டீஸ் அணி, முதல் இன்னிங்ஸில் 6 விக்கெட் இழப்பிற்கு 447 ரன்கள் அடித்து டிக்ளேர் செய்தது.

முதலில் பேட்டிங் ஆடிய வெஸ்ட் இண்டீஸ் அணியின் தொடக்க வீரர்கள் கிரைக் பிராத்வெயிட் மற்றும் தேஜ்நரைன் சந்தர்பால் ஆகிய இருவரும் அபாரமாக பேட்டிங் ஆடி இருவருமே சதமடித்தனர். 182 ரன்களை குவித்த பிராத்வெயிட் இரட்டை சதத்தை தவறவிட்டு ஆட்டமிழந்தார். பிராத்வெயிட் - சந்தர்பால் தொடக்க ஜோடி முதல் விக்கெட்டுக்கு 336 ரன்களை குவித்தனர்.

டெஸ்ட் கிரிக்கெட்டில் முதல் சதத்தை விளாசிய தேஜ்நரைன் சந்தர்பால், தனது முதல் சதத்தையே இரட்டை சதமாக மாற்றி சாதனை படைத்தார். 207 ரன்களை குவித்து கடைசிவரை சந்தர்பால் ஆட்டமிழக்கவில்லை. 6 விக்கெட் இழப்பிற்கு 447 ரன்களை குவித்து முதல் இன்னிங்ஸை வெஸ்ட் இண்டீஸ் அணி டிக்ளேர் செய்தது.

இந்த போட்டியில் முதல் விக்கெட்டுக்கு 447 ரன்களை குவித்த பிராத்வெயிட் - சந்தர்பால் தொடக்க ஜோடி அபாரமான சாதனை படைத்துள்ளது. டெஸ்ட் கிரிக்கெட்டில் வெஸ்ட் இண்டீஸ் அணி தொடக்க ஜோடி அடித்த அதிகபட்ச ஸ்கோர் இதுதான். இதன்மூலம் டெஸ்ட்டில் வெஸ்ட் இண்டீஸுக்கு முதல் விக்கெட்டுக்கு அதிக ரன்களை குவித்து கொடுத்த தொடக்க ஜோடி என்ற சாதனையை பிராத்வெயிட் - சந்தர்பால் படைத்துள்ளனர்.

இதற்கு முன் வெஸ்ட் இண்டீஸின் கார்டான் க்ரீனிட்ஜ் - டெஸ்மாண்ட் ஹைன்ஸ் 1990ஆம் ஆண்டு இங்கிலாந்துக்கு எதிரான டெஸ்ட்டில் முதல் விக்கெட்டுக்கு 298 ரன்களை குவித்திருந்ததே இதுவரை சாதனையாக இருந்தது. அந்த வெஸ்ட் இண்டீஸின் சாதனை முறியடிக்கப்பட்டுள்ளது.

இதையடுத்து முதல் இன்னிங்ஸைத் தொடங்கிய ஜிம்பாப்வே அணிக்கு இன்னசெண்ட் கையா - தனுர்வ மகோனி இணையும் சிறப்பான தொடக்கத்தைக் கொடுத்தனர். தொடர்ந்து சிறப்பாக விளையாடி வந்த தனுர்வா மகோனி 33 ரன்களில் ஆட்டமிழக்க, அடுத்து வந்த சாமு சிபாபா 9 ரன்களில் ஆட்டமிழந்து பெவிலியன் திரும்பினார்.

மறுமுனையில் தொடர்ந்து சிறப்பான ஆட்டத்தை வெளிப்படுத்தி வந்த இன்னசெண்ட் கையா தனது அரைசதத்தைப் பதிவுசெய்தார். ஆனால் கேப்டன் கிரேக் எர்வின் 13 ரன்களில் ஆட்டமிழக்க, மூன்றாம் நாள் ஆட்டமும் அத்துடன் முடிவுக்கு வந்தது. இதனால் மூன்றாம் நாள் ஆட்டநேர முடிவில் ஜிம்பாப்வே அணி 3 விக்கெட் இழப்பிற்கு 114 ரன்களைச் சேர்த்திருந்தது.

இதில் இன்னசெண்ட் கையா 59 ரன்களுடன் களத்தில் இருந்தார். வெஸ்ட் இண்டீஸ் தரப்பில் அல்ஸாரி ஜோசப், மொட்டி, பிராத்வைட் தலா ஒரு விக்கெட்டை கைப்பற்றினர். இதையடுத்து 333 ரன்கள் பின் தங்கிய நிலையில் ஜிம்பாப்வே அணி நாளை நான்காம் நாள் ஆட்டத்தை தொடரவுள்ளது.

Win Big, Make Your Cricket Tales Now