சாம்பியன்ஸ் கோப்பை 2025: போட்டி அட்டவணையை வெளியிட்டது ஐசிசி!
சாம்பியன்ஸ் கோப்பை தொடருக்கான போட்டி அட்டவணை அறிவிக்கப்பட்டுள்ள நிலையில் ரசிகர்கள் பெரிதும் எதிர்பார்த்து காத்திருக்கும் இந்தியா - பாகிஸ்தான் அணிகளுக்கு இடையேயான போட்டியானது பிப்ரவரி 23ஆம் தேதி துபாயில் நடைபெறும் என அறிவிக்கப்பட்டுள்ளது.
வரும் 2025ஆம் ஆண்டு ஐசிசி சாம்பியன்ஸ் கோப்பை கிரிக்கெட் தொடர் பாகிஸ்தானில் நடைபெறவுள்ளது. புள்ளிப்பட்டியளின் டாப் 8 இடங்களைப் பிடிக்கும் அணிகள் நேருக்கு நேர் பலப்பரீட்சை நடத்தவுள்ளதால் இத்தொடரின் மீதான எதிர்பார்ப்புகளும் ரசிகர்கள் மாத்தியில் அதிகரித்துள்ளன. அதன்படி சாம்பியன்ஸ் கோப்பை தொடரானது அடுத்த ஆண்டு பிப்ரவரி 19ஆம் தேதி தொடங்கி மார்ச் 9ஆம் தேதி வரை பாகிஸ்தானில் நடைபெறவுள்ளது.
இதில் இந்தியா - பாகிஸ்தான் இடையே இருக்கும் அரசியல் சூழ்நிலை காரணமாக இந்திய அணியும் பாகிஸ்தானுக்கு சென்று விளையாட மறுத்ததன் காரணமாக இத்தொடரானது ஹைபிரிட் மாடலில் நடைபெறவுள்ளது. இந்நிலையில் இந்தியா - பாகிஸ்தான் அணிகளுக்கு இடையேயாய ஐசிசி தொடரின் போட்டிகளை பொதுவான இடத்தில் நடத்தப்படும் என்ற அறிவிப்பினை சமீபத்தில் வெளியிட்டுள்ளது.
Trending
அதன்படி எதிர்வரும் 2027ஆம் ஆண்டுவரை இந்தியா - பாகிஸ்தான் அணிகள் மோதும் போட்டிகள் பொதுவான இடத்தில் நடத்தப்படும் என்று ஐசிசி அறிவித்துள்ளது. இந்த நடைமுறையானது அடுத்த ஆண்டு பாகிஸ்தானில் நடைபெறவுள்ள சாம்பியன்ஸ் கோப்பை கிரிக்கெட் தொடர் முதல் நடைமுறை படுத்தப்படுவதாகவும் அறிவிக்கப்பட்டது. மேலும் நடப்பு சாம்பியன்ஸ் கோப்பை கிரிக்கெட் தொடரின் பொதுவான இடமாக ஐக்கிய அரபு அமீரகத்தை பிசிபி தேர்வு செய்துள்ளது.
CHAMPIONS TROPHY SCHEDULE IS HERE!#ChampionsTrophy2025 #INDvPAK pic.twitter.com/DBWwldw3dl
— CRICKETNMORE (@cricketnmore) December 24, 2024
இந்நிலையில் இத்தொடருக்கான போட்டி அட்டவணையை ஐசிசி இன்று அறிவித்துள்ளது. அதன்படி மொத்தம் 8 அணிகள் பங்கேற்கும் நிலையில் இரு குழுக்களக பிரிக்கப்பட்டு இத்தொடரானது நடைபெறவுள்ளது. இதில் குரூப் ஏ பிரிவில் இந்தியா, பாகிஸ்தான், நியூசிலாந்து மற்று வங்கதேச அணிகளும், பி பிரிவில் ஆஸ்திரேலியா, இங்கிலாந்து, தென் ஆப்பிரிக்கா மற்றும் ஆஃப்கானிஸ்தான் அணிகளும் இடம்பிடித்துள்ளன.
India is set to play all three of their matches in Dubai!#India #ChampionsTrophy2025 pic.twitter.com/q7DZ6Levuk
— CRICKETNMORE (@cricketnmore) December 24, 2024
மேலும் பிப்ரவரி 19ஆம் தேதி நடைபெறும் இத்தொடரின் முதல் லீக் போட்டியில் பாகிஸ்தான் மற்றும் நியூசிலாந்து அணிகள் பலப்பரீட்சை நடத்தவுள்ள நிலையில், இந்திய அணி தனது முதல் லீக் ஆட்டத்தில் வங்கதேச அணியை எதிர்த்து பலப்பரீட்சை நடத்தவுள்ளது. இதுதவிர்த்து ரசிகர்கள் பெரிதும் எதிர்பார்த்து காத்திருக்கும் இந்தியா - பாகிஸ்தான் அணிகளுக்கு இடையேயான போட்டியானது பிப்ரவரி 23ஆம் தேதி துபாயில் நடைபெறவுள்ளது.
Also Read: Funding To Save Test Cricket
அதன்பின் இந்திய அணி தனது கடைசி லீக் ஆட்டத்தில் நியூசிலாந்து அணியை எதிர்த்து பலப்பரீட்சை நடத்தவுள்ளது. அதேசமயம் இத்தொடரில் இந்திய அணி பங்கேற்கும் போட்டிகள் துபாயில் நடைபெறும் நிலையில், முதல் அரையிறுதி போட்டியும் துபாயில் நடைபெறவுள்ளது. இதுதவிர்த்து இத்தொடரின் இறுதிப்போட்டி லாஹூரில் நடைபெறும் என்று அறிவிக்கப்பட்டிருந்தாலும், இந்திய அணி இறுதிப்போட்டிக்கு முன்னேறும் பட்சத்தில் அந்த போட்டியும் துபாயில் நடத்தப்படும் என்று ஐசிசி அறிவித்துள்ளது.
Win Big, Make Your Cricket Tales Now
