உலகக்கோப்பையை வெல்லும் வரை இது மாறாது - டெம்பா பவுமா!

உலகக் கோப்பையை வெல்லும் வரை தென் ஆப்பிரிக்க அணியின் மீதான உலகக் கோப்பையை வெல்வதற்கு அதிர்ஷ்டமிடல்லாத அணி என்ற பார்வை மாறாது என அந்த அணியின் கேப்டன் டெம்பா பவுமா தெரிவித்துள்ளார்.

உலகக்கோப்பையை வெல்லும் வரை இது மாறாது - டெம்பா பவுமா!  (Image Source: Google)

ஒவ்வொரு முறையும் உலகக் கோப்பைக்கான தென்னாப்பிரிக்க அணியில் உலகத் தரத்திலான வீரர்கள் இருந்தபோதிலும் அந்த அணியால் அரையிறுதிக்கு மேல் முன்னேற முடிந்ததில்லை. அதனால், அந்த அணிக்கு உலகக் கோப்பையை வெல்ல அதிர்ஷ்டமில்லாத அணி என்ற பெயரும் உண்டானது.  

இந்த நிலையில், உலகக் கோப்பையை வெல்லும் வரை தென்னாப்பிரிக்க அணியின் மீதான உலகக் கோப்பையை வெல்வதற்கு அதிர்ஷ்டமிடல்லாத அணி என்ற பார்வை மாறாது என அந்த அணியின் கேப்டன் டெம்பா பவுமா தெரிவித்துள்ளது முக்கியத்துவம் பெறுகிறது.

இது குறித்து பேசிய பவுமா, “உலகக் கோப்பையை வெல்ல தென்னாப்பிரிக்கா அதிர்ஷ்டமில்லாத அணி என ஓரிரு முறை நான் கூறியிருக்கிறேன். ஆனால், அணியிலிருந்து அதுபோன்று யாரும் கூறியதைக் கேட்டதில்லை. தென்னாப்பிரிக்காவுக்கு உலகக் கோப்பையை வெல்லும் அதிர்ஷ்டம் இல்லை என்பதை அணியில் சிலர் நம்புவதாகவும், சிலர் நம்பாததாகவும் நான் நினைக்கிறேன். 

அணியில் உள்ள வீரர்கள் எதை நம்புகிறார்கள் என்பது மிகவும் முக்கியம். ஏனென்றால், இந்த பிரச்னை பல ஆண்டுகளாக தொடர்ந்து வருகிறது. தென்னாப்பிரிக்க அணியின் மீதான இந்தப் பார்வையை அணியில் உள்ளவர்கள் ஏற்றுக் கொள்ள வேண்டும் என நான் நினைக்கிறேன். அணியின் மீதான இந்தப் பார்வை உலகக் கோப்பையை வென்றால் மட்டுமே விலகும். அணியின் மீதான எதிர்பார்ப்பு, அழுத்தம் என்பதெல்லாம் எப்போதும் இருக்கப் போகிறது” என்று தெரிவித்துள்ளார். 

இந்நிலையில் ஐசிசி உலகக் கோப்பைத் தொடரில் நாளை தென் ஆப்பிரிக்க அணி தனது முதல் ஆட்டத்தில் இலங்கை அணியை எதிர்த்து விளையாடவுள்ளது. இவ்விரு அணிகளுக்கும் இடையேயான இப்போட்டியில் டெல்லி அருண் ஜெட்லி மைதானத்தில் நடைபெறவுள்ளது குறிப்பிடத்தக்கது.

Win Big, Make Your Cricket Tales Now