சர்வதேச கிரிக்கெட்டில் தொடரும் ‘யூனிவர்ஸ் பாஸ்’ன் சாதனை பயணம்!

டி20 கிரிக்கெட் போட்டிகளில் 14ஆயிரம் ரன்களை கடந்த முதல் வீரர் எனும் சாதனையை வெஸ்ட் இண்டீஸ் அணியின் கிறிஸ் கெயில் இன்று படைத்தார்.

வெஸ்ட் இண்டீஸ் அணியின் அதிரடி வீரர் கிறிஸ் கெயில். டி20 கிரிக்கெட் என்றாலே பலருக்கு நினவில் இருப்பது இவரது இமாலய சிக்சர்களும்,  சின்ன சின்ன சேட்டைகளும் தான். 

தற்போது 42 வயதை எட்டவுள்ள கெயில் இன்னும் வெஸ்ட் இண்டீஸ் அணிக்காக சர்வதேச கிரிக்கெட் போட்டிகளில் விளையாடி வருகிறார். விளையாடுவதோடு மட்டுமல்லாமல் தொடர்ந்து தனது சாதனை பயணத்தை தொடர்ந்து வருகிறார். 

அதன் ஒரு பகுதியாக இன்று நடைபெற்ற ஆஸ்திரேலிய அணிக்கெதிரான போட்டியிலும் தனது அதிரடியான ஆட்டத்தை வெளிப்படுத்து 67 ரன்களைக் குவித்து அசத்தினார். 

இதன் மூலம் டி20 கிரிக்கெட் வரலாற்றில் 14ஆயிரம் ரன்களை கடந்த முதல் கிரிக்கெட் வீரர் எனும் சாதனையை இவர் படைத்துள்ளார். அதேபோல் 40 வயதிற்கு மேல் ஆயிரம் டி20 ரன்களை கடந்த 3 ஆவது வீரர் எனும் மற்றொரு பெருமையையும் பெற்றுள்ளார். 

 

Chris Gayle falls to Riley Meredith, but not before a trademark fifty, passing 14,000 T20 runs in the process!#WIvAUS | https://t.co/gtzSxh0BjZ pic.twitter.com/VY1N9XPczT

— ICC (@ICC) July 13, 2021

இதுவரை 431 டி20 போட்டிகளில் விளையாடியுள்ள கிறிஸ் கெயில், 22 சதம், 86 அரைசதங்கள் என 14,038 ரன்களைச் சேர்த்து அசத்தியுள்ளார் என்பது குறிப்பிடத்தக்கது.

Win Big, Make Your Cricket Tales Now