ஹாட்ரிக் சிக்ஸர்களை பறக்கவிட்ட கிறிஸ் ட்ரெம்லெட் - வைரலாகும் காணொளி!

தென் ஆப்பிரிக்க மாஸ்டர்ஸுக்கு எதிரான லீக் போட்டியில் இங்கிலாந்து மாஸ்டர்ஸ் அணி வீரர் கிறிஸ் ட்ரெம்லெட் அடுத்தடுத்து மூன்று சிக்ஸர்களை விளாசிய காணொளி வைரலாகி வருகிறது.

ஹாட்ரிக் சிக்ஸர்களை பறக்கவிட்ட கிறிஸ் ட்ரெம்லெட் - வைரலாகும் காணொளி! (Image Source: Google)

இன்டர்நேஷ்னல் மாஸ்டர்ஸ் லீக் டி20 தொடரில் நேற்று நடைபெற்ற 8ஆவது லீக் போட்டியில் தென் ஆப்பிரிக்கா மாஸ்டர்ஸ் மற்றும் இங்கிலாந்து மாஸ்டர்ஸ் அணிகள் பலப்பரீட்சை நடத்தின. இதில் டாஸை இழந்து முதலில் பேட்டிங் செய்த இங்கிலாந்து மாஸ்டர்ஸ் அணி 20 ஓவர்கள் முடிவில் 6 விக்கெட் இழப்பிற்கு 157 ரன்களைச் சேர்த்தது.

அந்த அணியில் அதிகபட்சமாக டிம் ஆம்ப்ரோஸ் 53 ரன்களையும், கேப்டன் ஈயான் மோர்கன் 36 ரன்களிலும் விக்கெட்டை இழக்க, இறுதிவரை ஆட்டமிழக்காமல் இருந்த ஸ்கோஃபீல்ட் 2 சிக்ஸர்களுடன் 20 ரன்களையும், ட்ரெம்லெட் 3 சிக்ஸர்களுடன் 19 ரன்களையும் சேர்த்து அணிக்கு ஃபினிஷிங்கைக் கொடுத்தனர். தென் ஆப்பிரிக்க தரப்பில் ஜாக் காலிஸை தவிர்த்து மற்ற பந்துவீச்சாளர்கள் அனைவரும் ஒரு விக்கெட்டை கைப்பற்றினர். 

அதன்பின் இலக்கை நோக்கி விளையாடிய தென் ஆப்பிரிக்க மாஸ்டர்ஸ் அணியில் ஹாஷிம் அம்லா - அல்விரோ பீட்டர்சன் இணை அதிரடியாக விளையாடி அணியின் ஸ்கோரை உயர்த்தியதுடன் தங்கள் அரைசதங்களையும் பதிவுசெய்தனர். இதில் அல்விரோ பீட்டர்சன் 56 ரன்களில் ஆட்டமிழக்க, மறுபக்கம் இறுதிவரை ஆட்டமிழக்காமல் இருந்த ஹாஷிம் ஆம்லா 10 பவுண்டரி, ஒரு சிக்ஸர் என 82 ரன்களைச் சேர்த்து அணிக்கு வெற்றியைத் தேடிக்கொடுத்தார். 

இதன் மூலம் தென் ஆப்பிரிக்க மாஸ்டர்ஸ் அணி 18.1 ஓவர்களில் இலக்கை எட்டியதுடன் 7 விக்கெட் வித்தியாசத்தில் தென் ஆப்பிரிக்க மாஸ்டர்ஸ் அணியை வீழ்த்தி அபார வெற்றியைப் பதிவுசெய்து அசத்தியது. இந்நிலையில் இப்போட்டியில் இங்கிலாந்து மாஸ்டர்ஸ் அணி தோல்வியைத் தழுவினாலும், அந்த அணி வீரர் ட்ரெம்லெட் அடுத்தடுத்து மூன்று சிக்ஸர்களை விளாசியது ரசிகர்களை ஆச்சரியத்தில் ஆழ்த்தியது. 

balls. towering SIXES! That’s how you close an innings in style!

Catch the action LIVE NOW @JioHotstar, @Colors_Cineplex & @CCSuperhits!#IMLT20 #TheBaapsOfCricket #IMLonJioHotstar #IMLonCineplex pic.twitter.com/CpYbHUdYdt

— INTERNATIONAL MASTERS LEAGUE (@imlt20official) March 3, 2025

அதன்படி இன்னிங்ஸின் கடைசி ஓவரை தென் ஆப்பிரிக்க தரப்பில் வெர்னான் பிலாண்டர் வீசிய நிலையில் அந்த ஓவரின் மூன்றாவது பந்தை எதிர்கொண்ட ட்ரெம்லெட் அடுத்தடுத்து மூன்று சிக்சர்களை விளாசி ரசிகர்களை வியப்பில் ஆழ்த்தினார். இதன்மூலம் அந்த ஓவரில் இங்கிலாந்து மாஸ்டர்ஸ் அணி 20 ரன்களைக் குவித்தது. இந்நிலையில் ட்ரெம்லெட் ஹாட்ரிக் சிக்ஸர்களை விளாசிய காணொளி இணையத்தில் வைரலாகி வருகிறது.