ஐபிஎல் 2021: அவர் ஒரு டி20 லெஜண்ட் - நரைனை புகழ்ந்த மோர்கன்!

சுனில் நரைன் ஒரு டி20 லெஜண்ட். அவர் கேகேஆர் அணிக்கு கிடைத்ததில் மிகவும் மகிழ்ச்சி என அந்த அணி கேப்டன் ஈயான் மோர்கன் புகழ்ந்துள்ளார்.

ஐபிஎல் தொடரில் நேற்று நடைபெற்ற எலிமினேட்டர் சுற்றில் கொல்கத்தா நைட் ரைடர்ஸ் அணி 4 விக்கெட் வித்தியாசத்தில் ராயல் சேலஞ்சர்ஸ் பெங்களூரு அணியை வீழ்த்தி, இரண்டாவது தகுதிச்சுற்றுக்கு முன்னேறியது. 

மேலும் இத்தோல்வியினால் ஆர்சிபி அணி நடப்பு சீசன் ஐபிஎல் தொடரில் 4ஆவது இடத்துடன் வெளியேறியது.

இந்நிலையில் வெற்றி குறித்து பேசிய கொல்கத்தா அணியின் கேப்டன் மோர்கன் “இந்த போட்டியை சுனில் நரைன் மிகவும் எளிமையாக்கி விட்டார். சரியான இடைவெளிகளில் விக்கெட்டை வீழ்த்தி அசத்திவிட்டார். அதுமட்டுமின்றி சேசிங்கிலும் அவர் கடினமான இந்த மைதானத்தில் சிறப்பாக பேட்டிங் செய்து அசத்தினார்.

இந்த மைதானம் சற்று இருதன்மை உடையதாக இருந்தாலும் இலக்கு சிறியதே என்பதனால் பேட்டிங்கில் நாங்கள் சிறப்பாக செயல்பட்டு விட்டோம். இந்த போட்டியில் சுனில் நரைன் எங்களுக்கு தனியாளாக வெற்றியையும் பெற்று கொடுத்துவிட்டார். நிச்சயம் அவர் ஒரு உண்மையான டி20 லெஜன்ட். அவர் எங்கள் அணியில் இருப்பது எங்களுக்கு மகிழ்ச்சி” என தெரிவித்தார்.

Win Big, Make Your Cricket Tales Now