COVID-19 outbreak in Afghanistan camp as 8 players test positive ahead of Bangladesh ODI series (Image Source: Google)
வங்கதேசத்துக்குப் பயணம் மேற்கொண்டுள்ள ஆப்கானிஸ்தான் அணி 3 ஆட்டங்கள் கொண்ட ஒருநாள் தொடர் மற்றும் 2 ஆட்டங்கள் கொண்ட டி20 தொடரில் விளையாடுகிறது.
இதில் விளையாடவுள்ள ஆப்கானிஸ்தான் அணியில் 8 வீரர்களுக்கு கரோனா நோய்த் தொற்று இருப்பது உறுதி செய்யப்பட்டுள்ளதாகத் தகவல்கள் வெளியாகியுள்ளன. இதுகுறித்து வெளியான தகவலின்படி, 8 வீரர்கள் உள்பட உதவியாளர்கள் 3 பேருக்கு நோய்த் தொற்று இருப்பது உறுதி செய்யப்பட்டுள்ளது.
தொற்று உறுதி செய்யப்பட்டவர்கள் தனிமைப்படுத்தப்பட்டுள்ள நிலையில், அணியிலுள்ள மற்ற வீரர்கள் சில்ஹெட்டில் பயிற்சியைத் தொடங்கினர். ஒருவாரத்துக்குப் பிறகு, ஒருநாள் கிரிக்கெட் தொடர் நடைபெறவுள்ள சாட்டோகிராமுக்குச் செல்லவுள்ளனர்.
