சிபிஎல் 2021: பிரண்டன் கிங் அதிரடியால் வாரியர்ஸ் அசத்தல் வெற்றி!

கயானா அமேசன் வாரியர்ஸ் அணிக்கெதிரான லீக் ஆட்டத்தில் இறுதிவரை போராடிய செயிண்ட் லூசியா கிங்ஸ் அணி 18 ரன்கள் வித்தியாசத்தில் தோல்வியடைந்தது.

சிபிஎல் டி20 போட்டியில் இன்று நடைபெற்ற 22ஆவது லீக் ஆட்டத்தில் செயிண்ட் லூசியா கிங்ஸ் - கயானா அமேசன் வாரியர்ஸ் அணிகள் மோதின. இதில் டாஸ் வென்ற கயானா அமேசன் வாரியர்ஸ் அணி முதலில் பேட்டிங்கைத் தேர்வு செய்தது. 

அதன்படி களமிறங்கிய அந்த அணி 17 ரன்களுக்குள்ளாகவே 3 விக்கெட்டுகளை இழந்து தடுமாறியது. அதன்பின் அதிரடி ஆட்டத்தை வெளிப்படுத்திய பிராண்டன் கிங் அரைசதமடித்து அசத்தினார். தொடர்ந்து அதிரடியான ஆட்டத்தை வெளிப்படுத்தி வந்த பிராண்டன் கிங் 77 ரன்களில் ஆட்டமிழந்தார். 

இறுதியில் கயானா அமேசன் வாரியர்ஸ் அணி  6 விக்கெட் இழப்பிற்கு 151 ரன்களைச் சேர்த்தது. கிங்ஸ் அணி தரப்பில் ஜேவர் டைலர், வஹாப் ரியாஸ் தலா 2 விக்கெட்டுகளைக் கைப்பற்றினர். 

இதைத்தொடர்ந்து வெற்றி இலக்கை நோக்கி களமிறங்கிய கிங்ஸ் அணி தொடக்கத்திலேயே பிளெட்சர், டூ பிளெசிஸ், சமித் படேல் ஆகியோரது விக்கெட்டுகளை இழந்தது. பின்னர் ஜோடி சேர்ந்த ரோஸ்டன் சேஸ் - டிம் டேவிட் இணை சிறப்பான ஆட்டத்தை வெளிப்படுத்தி ரன் கணக்கை உயர்த்தினர். 

இருப்பினும் 20 ஓவர்கள் முடிவில் அந்த அணியால் 6 விக்கெட் இழப்பிற்கு 136 ரன்களை மட்டுமே சேர்த்தது. இதில் இறுதிவரை ஆட்டமிழக்காமல் இருந்த டிம் டேவிட் 47 ரன்களை சேர்த்திருந்தார்.

இதன் மூலம் கயானா அமேசன் வாரியர்ஸ் அணி 17 ரன்கள் வித்தியாசத்தில் செயிண்ட் லூசியா கிங்ஸை வீழ்த்தி அசத்தியது.