சிபிஎல் 2021: வாரியர்ஸை வீழ்த்தில் லூசியா கிங்ஸ் அசத்தல் வெற்றி!

கயானா அமேசன் வாரியர்ஸ் அணிக்கெதிரான போட்டியில் செயிண்ட் லூசியா கிங்ஸ் அணி 51 ரன்கள் வித்தியாசத்தில் வெற்றிபெற்றது.

சிபிஎல் டி20 தொடரில் இன்று நடைபெற்ற 13ஆவது லீக் ஆட்டத்தில் செயிண்ட் லூசியா கிங்ஸ் - கயானா அமேசன் வாரியர்ஸ் அணிகள் மோதின. இதில் டாஸ் வென்ற வாரியர்ஸ் முதலில் பந்துவீசியது. 

அதன்படி களமிறங்கிய செயிண்ட் லூசியா கிங்ஸ் ரோஸ்டன் சேஸின் அதிரடியான ஆட்டத்தின் மூலம் 20 ஓவர்களில் 7 விக்கெட்டுகளை இழந்து 149 ரன்களைச் சேர்த்தது.

இதில் அதிகபட்சமாக ரோஸ்டன் சேஸ் 85 ரன்களைச் சேர்த்து அசத்தினார். வாரியர்ஸ் அணி தரப்பில் செஃபெர்ட், ஓடின் ஸ்மித் தலா 3 விக்கெட்டுகளை வீழ்த்தினர். 

இதையடுத்து களமிறங்கிய வாரியஸ் அணியில் ஹெம்ராஜ், ஹபீஸ், மாலிக், ஹெட்மையர், பிராண்டன் கிங் என அனைவரும் ஒற்றை இலக்க ரன்களோடு பெவிலியனுக்கு திரும்பி ஏமாற்றமளித்தனர். 

இருப்பினும் அடுத்துவந்த கேப்டன் நிக்கோலஸ் பூரன் அதிரடியாக விளையாடி அணியின் ஸ்கோரை உயர்த்தினர். பின் அவருக்ம் 41 ரன்களில் ஆட்டமிழக்க, அந்த அணி 116.5 ஓவர்களிலேயே அனைத்து விக்கெட்டுகளையும் இழந்து 98 ரன்களை மட்டுமே எடுத்தது. 

இதன்மூலம் செயிண்ட் லூசியா கிங்ஸ் அணி 51 ரன்கள் வித்தியாசத்தில் கயானா அமேசன் வாரியர்ஸை வீழ்த்தி அபார வெற்றியைப் பெற்றது.

Win Big, Make Your Cricket Tales Now