SA vs IND: செஞ்சூரியன் டெஸ்ட் வெற்றியால் சாதனைப் படைத்த கோலி!

உலக டெஸ்ட் கிரிக்கெட்டில் அதிகமான வெற்றிகளைப் பெற்ற கேப்டன் என்ற பெயரோடு கேப்டன் விராட் கோலி விடைபெறுவதற்கான சாத்தியங்கள் எழுந்துள்ளன.

Currently at No. 4th, Virat Kohli can end up with MOST TEST WINS as captain (Image Source: Google)

செஞ்சூரியனில் நடந்த தென் ஆப்பிரிக்க அணிக்கு எதிரான முதலாவது டெஸ்ட் போட்டியில் இந்திய அணி 113 ரன்கள் வித்தியாசத்தில் வென்றது. செஞ்சூரியனில் தென் ஆப்பிரி்க்க அணி சந்தித்த 3ஆவது தோல்வி இதுவாகும். இதற்கு முன் 2 தோல்விகளை மட்டுமே இந்த மைதானத்தில் தென் ஆப்பிரிக்க அணி சந்தித்திருந்தது. 

அதுமட்டுமல்லாமல் தென் ஆப்பிரிக்க மண்ணில் டெஸ்ட் கிரிக்கெட்டில் இந்திய அணி பெற்ற 4ஆவது வெற்றியாக அமைந்தது. டெஸ்ட் கிரிக்கெட்டில் அதிகமான வெற்றிகளைப் பெற்ற கேப்டன்களில் தற்போது விராட் கோலி 40 வெற்றிகளுடன் 4ஆவது இடத்தில் உள்ளார். 

ஆஸ்திரேலிய முன்னாள் கேப்டன் ஸ்டீவ் வாஹ் சாதனையான 41 வெற்றிகளை சமன் செய்ய கோலிக்கு இன்னும் ஒரு வெற்றிதான் தேவை. 2ஆவது இடத்தில் இருக்கும் பான்டிங் தலைமையில் 48 வெற்றிகளைப் பெற்றுள்ளார்; தென் ஆப்பிரிக்க முன்னாள் கேப்டன் கிரேம் ஸ்மித் 53 வெற்றிகளைப் பெற்று முதலிடத்தில் உள்ளார்.

இவர்களின் வெற்றிகளை முறியடித்து, உலகிலேயே டெஸ்ட் கிரிக்கெட்டில் அதிகமான வெற்றிகளைப் பெற்ற கேப்டன் என்ற பெருமையை கோலியால் பெற முடியுமா, அதற்கான சாத்தியங்கள் உள்ளனவா என்ற கேள்வி இப்போது எழுகிறது.

உலகிலேயே டெஸ்ட் கிரிக்கெட்டில் வெற்றிகரமான கேப்டன்களில் 4ஆவது கேப்டனாக வலும் வரும் கோலிக்கு தற்போது 33 வயதாகிறது. முதல் 3 இடங்களில் இருக்கும் கேப்டன்கள் அனைவரும் 38 வயது வரை விளையாடியவர்கள். ஆதலால், கோலி இன்னும் 5 ஆண்டுகள் வரை டெஸ்ட் கிரிக்கெட் விளையாடலாம். ஸ்டீவ் வாஹ் 38 வயதிலும், பான்டிங் 37 வயதிலும் விளையாடினார்கள், ஸ்மித் 33 வயதில் ஓய்வு பெற்றார். கோலியின் உடற்தகுதி, ஃபார்ம், அணியை நிர்வகிக்கும் திறமையால் இன்னும் 5 ஆண்டுகள் வரை விளையாடலாம்.

ஸ்டீவ் வாஹின் 41 விக்கெட் சாதனையை முறியடிக்க கோலி தலைமைக்கு 2 வெற்றிகள் தேவை. அதை தென் ஆப்பிரிக்கத் தொடரிலேயே கோலி சாதித்துவிடுவார். அல்லது சமன் செய்துவிடுவார். 2022ஆம் ஆண்டில் இந்திய அணி உள்நாட்டில் 3 டெஸ்ட் தொடர்களில் விளையாடுகிறது. அதில் இலங்கை அணிக்கு எதிரான 2 டெஸ்ட் போட்டிகளை இந்திய அணி நிச்சயம் வெல்லும் பட்சத்தில் கோலியின் வெற்றிக் கணக்கு 43 ஆக உயரும். 

சென்சூரியனில் இந்திய அணிக்கு வெற்றித் தேடித்தந்த முதல் கேப்டன் கோலிதான். ஆசியாவிலேயே முதல் அணியாக செஞ்சூரியனில் இந்திய அணி வெற்றி பெற்றுள்ளது. இதற்கு இங்கிலாந்தின் முன்னாள் கேப்டன் நசீர் ஹூசைன் (2000), ஆஸ்திரேலியாவின் மைக்கேல் கிளார்க் (2004) ஆகியோர் மட்டுமே செஞ்சூரியனில் வென்றனர்.

சேனா நாடுகள் எனச் சொல்லப்படும் தென் ஆப்பிரி்க்கா, இங்கிலாந்து, நியூஸிலாந்து, ஆஸ்திரேலியா நாடுகளுக்கு எதிராக அதிகமான வெற்றிகளைப் பெற்ற ஆசியாவைச் சேர்ந்த கேப்டனும் கோலி மட்டும்தான். இதுவரை 23 டெஸ்ட் போட்டிகளில் 7 வெற்றிகள், 13 தோல்வி, 3 போட்டிகளை டிரா செய்துள்ளார். வெளிநாடுகளில் கோலியின் தலைமையில் இந்திய அணி 36 டெஸ்ட் போட்டிகளில் 16 போட்டிகளை வென்றுள்ளது.

சென்சூரியனில் இதுவரை தென் ஆப்பிரிக்க அணியை இந்திய அணி வென்றதில்லை. முதல்முறையாக கோலி தலைமைதான் இந்திய அணிக்கு வெற்றி கிட்டியுள்ளது. பாக்ஸிங் டே டெஸ்ட் போட்டியில் இதுவரை 3 வெற்றிகளைப் பெற்ற இந்தியக் கேப்டனும், ஆசியக் கேப்டனும கோலி மட்டும்தான். தென் ஆப்பிரிக்காவுக்கு எதிராக அந்நாட்டு மண்ணில் இரு டெஸ்ட் வெற்றிகளைப் பெற்ற கேப்டனும் கோலி மட்டும்தான் என்பது குறிப்பிடத்தக்கது.

Win Big, Make Your Cricket Tales Now