CWC 2023 Qualifiers: சதமடித்து அணியை சரிவிலிருந்து காப்பற்றிய பெர்ரிங்டன்; யுஏஇ-க்கு 283 டார்கெட்!

ஐக்கிய அரபு அமீரக அணிக்கு எதிரான உலகக்கோப்பை தகுதிச்சுற்று ஆட்டத்தில் முதலில் பேட்டிங் செய்த ஸ்காட்லாந்து அணி 283 ரன்களை இலக்காக நிர்ணயித்துள்ளது.

CWC 2023 Qualifiers: Richie Berrington and Mark Watt helps Scotland make a solid recovery and post a (Image Source: Google)

உலகக்கோப்பை தொடருக்கான தகுதிச்சுற்று போட்டிகள் ஜிம்பாப்வேவில் நடைபெற்று வருகிறது. இதில் இன்று நடைபெற்றுவரும் 12ஆவது லீக் ஆட்டத்தில் ஸ்காட்லாந்து மற்றும் ஐக்கிய அரபு அமீரக அணிகள் பலப்பரீட்சை நடத்தி வருகின்றன. இப்போட்டியில் டாஸ் வென்ற ஐக்கிய அரபு அமீரக அணி முதலில் பந்துவீசுவதாக தீர்மானித்தது. 

அதன்படி களமிறங்கிய ஸ்காட்லாந்து அணிக்கு மெக்கன்ஸி 5 ரன்களிலும், மேத்யூ கிராஸ் 13 ரன்களிலும், பிராண்டன் மெக்முல்லன் 4 ரன்களிலும் என அடுத்தடுத்து விக்கெட்டுகளை இழக்க, அடுத்து களமிறங்கிய கேப்டன் ரிச்சி பெர்ரிங்டன் சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினர். 

ஆனால் அதேசமயம் தாமஸ் மெக்கிண்டோஷ் 11 ரன்களுக்கு ஆட்டமிழந்தனர். அதன்பின் பெர்ரிங்டனுடன் ஜோடி சேர்ந்த மைக்கேல் லீஸ்க் வழக்கம்போல் தனது அதிரடியான ஆட்டத்தை வெளிப்படுத்தி அணியின் ஸ்கோரை மளமளவென உயர்த்தினர். அதன்பின் 3 பவுண்டரி, 2 சிக்சர்கள் என 41 ரன்கள் சேர்த்த மைக்கேல் லீஸ்க் விக்கெட்டை இழந்தார். 

அடுத்து களமிறங்கிய கிறிஸ் கிரீவ்ஸ் 22 ரன்களிலும், ஜேக் ஜார்விஸ் 2 ரன்களுக்கும் என விக்கெட்டுகளை இழந்தனர். ஆனாலும் தனது அபார ஆட்டத்தை வெளிப்படுத்தி வந்த கேப்டன் ரிச்சி பெர்ரிங்டன் சதமடித்து அசத்தினார். மேலும் இறுதிவரை ஆட்டமிழக்காமல் இருந்த அவர் 3 சிக்சர்கள், 9 பவுண்டரிகள் என 127 ரன்களையும், அவருக்கு துணையாக விளையாடிய மார்க் வாட் 2 சிக்சர்கள், 4 பவுண்டரிகள் என 44 ரன்களையும் சேர்த்தனர். 

இதன்மூலம் 50 ஓவர்கள் முடிவில் ஸ்காட்லாந்து அணி 8 விக்கெட்டுகளை இழந்த நிலையிலும் 282 ரன்களை குவித்தது. ஐக்கிய அரபு அமீரக அணி தரப்பில் ஜுனைத் சித்திக் 3 விக்கெட்டுகளையும், அலி நேசர் 2 விக்கெட்டுகளையும் கைப்பற்றினர்.   

Win Big, Make Your Cricket Tales Now