CWC 2023 Qualifiers: ரஸா, பார்ல் அரைசதம்; விண்டீஸுக்கு 269 டார்கெட்!
வெஸ்ட் இண்டீஸ் அணிக்கெதிரான உலகக்கோப்பை தகுதிச்சுற்று ஆட்டத்தில் முதலில் பேட்டிங் செய்த ஜிம்பாப்வே அணி 269 ரன்களை இலக்காக நிர்ணயித்துள்ளது.
இப்போட்டியில் டாஸ் வென்ற வெஸ்ட் இண்டீஸ் அணி முதலில் பந்துவீச தீர்மானித்தது. அதன்படி களமிறங்கிய ஜிம்பாப்வே அணிக்கு கும்பி மற்றும் கேப்டன் கிரெக் எர்வின் இணை சிறப்பான தொடக்கத்தைக் கொடுத்து அடித்தளம் அமைத்துக்கொடுத்தனர். இதில் கும்பி 26 ரன்களில் ஆட்டமிழக்க, அடுத்து வந்த வெஸ்லி மதேவெரே 2 ரன்களுக்கு விக்கெட்டை இழந்தார்.
Trending
இவர்களைத் தொடர்ந்து அரைசதம் அடிப்பார் என எதிர்பார்க்கப்பட்ட கேப்டன் கிரேக் எர்வின் 47 ரன்களிலும், சீன் வில்லியம்ஸ் 23 ரன்களுக்கும் ஆட்டமிழக்க ஜிம்பாப்வே அணி 114 ரன்களில் 4 விக்கெட்டுகளை இழந்து தடுமாறியது. அதன்பின் ஜோடி சேர்ந்த சிக்கந்தர் ரஸா - ரியான் பர்ல் இணை அதிரடியான விளையாடி அணியின் ஸ்கோரையும் உயர்த்தினர்.
தொடர்ந்து அதிரடியாக செயல்பட்ட இருவரும் அரைசதம் கடந்ததும் அசத்தினர். பின் அரைசதம் கடந்த அடுத்த பந்திலேயே ரியான் பர்ல் விக்கெட்டை இழக்க, பின்னர் வந்த சிலிவ், மஸகட்சா, நகவரா ஆகியோரும் சொற்ப ரன்களுக்கு விக்கெட்டை இழந்தனர். பின் 6 பவுண்டரி, 2 சிக்சர்களை விளாசி 68 ரன்களை எடுத்திருந்த சிக்கந்தர் ரஸாவும் அடிக்க முயன்று ஆட்டமிழந்தார்.
இறுதியில் ஜிம்பாப்வே அணி 49.5 ஓவர்களில் அனைத்து விக்கெட்டுக்களையும் இழந்து 268 ரன்களைச் சேர்த்தது. வெஸ்ட் இண்டீஸ் அணி தரப்பில் கீமோ பால் 3 விக்கெட்டுகளையும், அல்ஸாரி ஜோசப், அகீல் ஹொசைன் தலா 2 விக்கெட்டுகளையும் கைப்பற்றினர்.
Win Big, Make Your Cricket Tales Now
