இந்தியாவுக்கு எதிராக சதமடித்து டேரில் மிட்செல் சாதனை!
இந்த உலகக்கோப்பை தொடரில் இந்தியாவுக்கு எதிராக அதன் சொந்த மண்ணில் சதமடித்த முதல் வீரர் என்ற சாதனையை நியூசிலாந்தின் டேரில் மிட்செல் படைத்துள்ளார்.
ஐசிசி உலகக் கோப்பை 2023 கிரிக்கெட் தொடரில் அக்டோபர் 22ஆம் தேதி இமாச்சலப் பிரதேச மாநிலம் தரம்சாலாவில் மதியம் 2 மணிக்கு நடைபெற்ற 21வது லீக் போட்டியில் புள்ளி பட்டியலில் டாப் 2 இடங்களில் இருக்கும் வலுவான இந்தியா மற்றும் நியூசிலாந்து அணிகள் மோதின. அந்த போட்டியில் டாஸ் வென்ற இந்தியா முதலில் பந்து வீசுவதாக அறிவித்த நிலையில் ஹர்திக் பாண்டியாவுக்கு பதிலாக தாக்கூர் நீக்கப்பட்டு ஷமி மற்றும் சூரியகுமார் யாதவ் ஆகியோர் தேர்வு செய்யப்பட்டனர்.
அதைத்தொடர்ந்து களமிறங்கிய நியூசிலாந்து 50 ஓவர்களில் நிதானமான ஆட்டத்தை வெளிப்படுத்தி அனைத்து விக்கெட்டுகளையும் இழந்து 273 ரன்கள் எடுத்தது. அந்த அணிக்கு டேவோன் கான்வே 0, வில் எங் 17 என துவக்க வீரர்கள் ஆரம்பத்திலேயே சொற்ப ரன்களில் அவுட்டாகி ஏமாற்றத்தை கொடுத்தனர். இருப்பினும் அடுத்ததாக ஜோடி சேர்ந்த ரச்சின் ரவீந்தரா மற்றும் டார்ல் மிட்சேல் ஆகியோர் நிதானமாக விளையாடி சரிவை சரி செய்தார்கள்.
Trending
அதில் ஜடேஜா தவற விட்ட கேட்சை பயன்படுத்திய ரச்சின் ரவீந்திரா இந்தியாவுக்கு சவாலாக மாறி அரை சதம் கடந்து 3வது விக்கெட்டுக்கு 161 ரன்கள் பார்ட்னர்ஷிப் அமைத்து ஒரு வழியாக 75 ரன்களில் ஆட்டமிழந்தார். அந்த நிலைமையில் வந்த கேப்டன் டாம் லாதம் 5 ரன்களில் அவுட்டான போதிலும் மறுபுறம் தொடர்ந்து அசத்திய மிட்சேல் சதமடித்து நியூசிலாந்துக்காக தொடர்ந்து போராடினார்.
ஆனாலும் எதிர்ப்புறம் வந்த கேப்டன் டாம் லாதம் 5 ரன்களிலும் அவுட்டாக அடுத்ததாக வந்த கிளன் பிலிப்ஸ் ஃபினிஷிங் செய்வார் என்று எதிர்பார்க்கப்பட்ட நிலையில் 23 ரன்களில் ஆட்டமிழந்து ஏமாற்றத்தை கொடுத்தார். இருப்பினும் மறுபுறம் தொடர்ந்து இந்தியாவுக்கு சிம்ம சொப்பனமாக விளையாடிய டேரில் மிட்சேல் 9 பவுண்டரி 5 சிக்சருடன் 130 ரன்களை விளாசி கடைசி விக்கெட்டாக ஆட்டமிழந்தார். இதனால் நியூசிலாந்து அணி 273 ரன்களுக்கு விக்கெட்ட்களையும் ஆல் அவுட்டானது.
இதன் மூலம் இந்த உலக கோப்பையில் சவாலான இந்தியாவுக்கு எதிராக அதன் சொந்த மண்ணில் சதமடித்த முதல் வீரர் என்ற பெயரை அவர் பெற்றார். அதை விட உலகக்கோப்பை வரலாற்றில் இந்தியாவுக்கு எதிராக 48 வருடங்கள் கழித்து சதமடித்த முதல் நியூசிலாந்து வீரர் என்ற மாபெரும் சாதனையும் டேரில் மிட்சேல் படைத்தார். இதற்கு முன் முதலும் கடைசியாக கடந்த 1975 உலகக் கோப்பையில் மான்செஸ்டர் மைதானத்தில் கிளன் டர்னர் 114 ரன்கள் குவித்து இந்தியாவை 4 விக்கெட் வித்தியாசத்தில் நியூசிலாந்து தோற்கடிக்கவும் உதவினார்.
Win Big, Make Your Cricket Tales Now
