அடுத்தடுத்து சிக்ஸர்களை பறக்கவிட்ட டேவிட் மில்லர்- காணொளி!
நைட் ரைடர்ஸ் அணிக்கு எதிரான சிபிஎல் எலிமினேட்டர் போட்டியில் ராயல்ஸ் அணி வீரர் டேவிட் மில்லர் அடுத்தடுத்து சிக்ஸர்களை விளாசி அணிக்கு வெற்றியைத் தேடிக்கொடுத்த காணொளி வைரலாகி வருகிறது.
இப்போட்டியில் டாஸ் வென்று முதலில் பேட்டிங் செய்த டிரின்பாகோ நைட் ரைடர்ஸ் அணியில் தொடக்க வீரர் சுனில் நரைன் 2 ரன்களை மட்டுமே எடுத்த நிலையில் விக்கெட்டை இழக்க, அவரைத் தொடர்ந்து மற்றொரு தொடக்க வீரரான ஜேசன் ராயும் 25 ரன்களில் ஆட்டமிழந்தார். ஆனாலும் இப்போட்டியில் மூன்றாவது விக்கெட்டிற்கு களமிறங்கிய நிக்கோலஸ் பூரன் அதிரடியான ஆட்டத்தை வெளிப்படுத்தியதுடன் தனது அரைசதத்தையும் பதிவுசெய்து அசத்தினார்.
Trending
மேற்கொண்டு இப்போட்டியில் இறுதிவரை ஆட்டமிழக்காமல் இருந்த பூரன் 6 பவுண்டரி, 5 சிக்ஸர்கள் என 91 ரன்களைச் சேர்த்து அசத்தினார். மேற்கொண்டு இப்போட்டியில் பூரன் சதமடிப்பார் என எதிர்பார்க்கப்பட்ட நிலையில் போதிய வெளிச்சமின்மை கரணமாக இப்போட்டி தடைபட்டது. இதனால் நைட் ரைடர்ஸ் அணி 19.1 ஓவர்களில் 3 விக்கெட்டுகளை இழந்து 168 ரன்களைச் சேர்த்த நிலையில் இன்னிங்ஸ் முடிந்ததாக அறிவிக்கப்பட்டது.
பின்னர் தமதமாக தொடங்கிய இப்போட்டியில் டக்வொர்த் லூயிஸ் முறைப்படி பார்படாஸ் ராயல்ஸ் அணிக்கு 5 ஓவர்களில் 60 ரன்கள் என்ற இலக்கு நிர்ணயிக்கப்பட்டது. அதன்படி இலக்கை நோக்கி விளையாடிய ராயல்ஸ் அணியில் டி காக் 4 ரன்களில் விக்கெட்டை இழக்க, அடுத்து களமிறங்கிய டேவிட் மில்லர் அடுத்தடுத்து பவுண்டரிகளையும் சிக்சர்களையும் விளாசியதுடன் 17 பந்துகளில் தனது அரைசதத்தைப் பதிவுசெய்து அசத்தினார்.
Miller seals the victory for the Royals!!!!#CPL24 #CPLPlayoffs #TKRvBR #CricketPlayedLouder #BiggestPartyInSport #RepublicBank @republicbanktt pic.twitter.com/LGote1YuiX
— CPL T20 (@CPL) October 2, 2024
இதன்மூலம் பார்படாஸ் ராயல்ஸ் அணியானது 4.2 ஓவர்களில் இலககி எட்டியதுடன் 9 விக்கெட் வித்தியாசத்தில் டிரின்பாகோ நைட் ரைடர்ஸ் அணியை வீழ்த்தி வெற்றிபெற்று அசத்தியது. இந்த வெற்றியின் மூலம் ராயல்ஸ் அணி இரண்டாவது குவாலிஃபையர் சுற்றுக்கு முன்னேறிய நிலையில், நைட் ரைடர்ஸ் அணியானது எலிமினேட்டர் சுற்றுடன் தொடரில் இருந்து வெளியேறியது. இதில் அபார ஆட்டத்தை வெளிப்படுத்திய டேவிட் மில்லர் அணியின் வெற்றிக்கு உதவியதன் காரணமாக ஆட்டநாயகன் விருதை வென்றார்.
Also Read: Funding To Save Test Cricket
இந்நிலையில் இப்போட்டியில் ராயல்ஸ் அணி வெற்றிக்கு கடைசி ஓவரில் 8 ரன்கள் தேவை என்ற நிலையில், நைட் ரைடர்ஸ் அணி தரப்பில் டெரன்ஸ் ஹிண்ட்ஸ் கடைசி ஓவரை வீசினார். அந்த ஓவரை எதிர்கொண்ட டேவிட் மில்லர் முதலிரண்டு பந்துகளிலும் சிக்சரை வீளாசி தனது அரைசதத்தைப் பதிவுசெய்ததுடன், அணிக்கு வெற்றியையும் தேடிக்கொடுத்தார். இந்நிலையில் டேவிட் மில்லர் அடுத்தடுத்து சிக்ஸர்களை விளாசிய காணொளி இணையத்தில் வைரலாகி வருகிறது.
Win Big, Make Your Cricket Tales Now
