அதிர்ஷடமில்லாமல் விக்கெட்டை இழந்த டேவிட் வார்னர்; வைரலாகும் காணொளி

லக்னோ சூப்பர் ஜெயண்ட்ஸ் அணிக்கு எதிரான போட்டியில் டெல்லி கேப்பிட்டல்ஸ் வீரர் டேவிட் வார்னர் துரதிர்ஷ்டவசமாக விக்கெட்டை இழந்த காணொளி வைரலாகி வருகிறது.

அதிர்ஷடமில்லாமல் விக்கெட்டை இழந்த டேவிட் வார்னர்; வைரலாகும் காணொளி (Image Source: Google)

லக்னோ சூப்பர் ஜெயண்ட்ஸ் - டெல்லி கேப்பிட்டல்ஸ் அணிகளுக்கு இடையேயான ஐபிஎல் லீக் போட்டி இன்று லக்னோவில் உள்ள ஏக்னா கிரிக்கெட் மைதானத்தில் நடைபெற்றது. இப்போட்டியில் டாஸ் வென்று முதலில் பேட்டிங் செய்த லக்னோ சூப்பர் ஜெயண்ட்ஸ் அணியானது 20 ஓவர்கள் முடிவில் 7 விக்கெட்டுகளை இழந்து 167 ரன்களைச் சேர்த்தது. அதன்படி இந்த அணியில் டி காக் 19 ரன்களையும், கேஎல் ராகுல் 39 ரன்களைச் சேர்த்து அணிக்கு அதிரடியான தொடக்கத்தைக் கொடுத்தனர். 

ஆனால் அதன்பின் களமிறங்கிய மார்கஸ் ஸ்டொய்னி, நிக்கோலஸ் பூரன் ஆகியோர் அடுத்தடுத்து குல்தீப் யாதவ் பந்துவீச்சில் விக்கெட்டை இழக்க, பின்னர் களமிறங்கிய குர்னால் பாண்டியா, தீபக் ஹூடா ஆகியோரும் சொற்ப ரன்களுக்கு ஆட்டமிழந்தனர். இருப்பினும் இப்போட்டியில் எட்டாவது விக்கெட்டிற்கு ஜோடி சேர்ந்த ஆயூஷ் பதோனி அர்ஷத் கான் இணை பொறுப்பான ஆட்டத்தை வெளிப்படுத்தியதுடன் 68 ரன்கள் பார்ட்னர்ஷிப் அமைத்து ஃபினிஷிங்கைக் கொடுத்தனர். 

இதில் இறுதிவரை ஆட்டமிழக்காமல் இருந்த ஆயூஷ் பதோனி 5 பவுண்டரி, ஒரு சிக்சர் என 55 ரன்களையும், அர்ஷத் கான் 3 பவுண்டரிகளுடன் 20 ரன்களையும் சேர்த்தனர். டெல்லி அணி தரப்பில் குல்தீப் யாதவ் 3 விக்கெட்டுகளையும், கலீல் அஹ்மத் 2 விக்கெட்டுகளையும் கைப்பற்றினர். இதனையடுத்து இலக்கை நோக்கி களமிறங்கிய டெல்லி கேப்பிட்டல்ஸ் அணிக்கு டேவிட் வார்னர் - பிரித்வி ஷா இணை தொடக்கம் கொடுத்தனர். 

இதில் பிரித்வி ஷா அதிரடியாக தொடங்க, மறுபக்கம் டேவிட் வார்னர் பந்தை தொடமுடியாமல் தடுமாறி வந்தார். அதன்பின் இன்னிங்ஸின் நான்காவது யாஷ் தாக்கூர் வீசினார். அந்த ஓவரின் முதல் இரண்டு பந்துகளையும் தவறவிட்ட டேவிட் வார்னர், மூன்றாவது பந்தை தேர்ட்மேன் திசையில் அடிக்க முயற்சித்தார். ஆனால் அதனையும் சரியாக கணிக்க தவறியதால் பந்து அவரது பேடில் பட்டு ஸ்டம்புகளை தாக்கியது. 

 

Dragged

As unfortunate as it gets for #DC opener David Warner as Yash Thakur strikes

Watch the match LIVE on @StarSportsIndia and @JioCinema #TATAIPL | #LSGvDC pic.twitter.com/MQng1666XE

— IndianPremierLeague (@IPL) April 12, 2024

ஒருநோடி டேவிட் வார்னர் பேட்டால் பந்தை தடுக்க முயற்சித்த தருணத்திலும் பந்து ஸ்டம்பில் பட்டு பைல்ஸ் விலகியதால் இப்போட்டியில் துரதிர்ஷ்டவசமாக 8 ரன்களை மட்டுமே எடுத்திருந்த டேவிட் வார்னர் தனது விக்கெட்டை இழந்து பெவிலியனுக்கு திரும்பினார். இந்நிலையில் இப்போட்டியில் டேவிட் வார்னர் தனது விக்கெட்டை இழந்த காணொளியானது இணையத்தில் வரைலாகியுள்ளது.

Win Big, Make Your Cricket Tales Now