நியூசிலாந்து தொடரிலிருந்து விலகிய டேவிட் வார்னர்!

நியூசிலாந்து அணிக்கெதிரான மூன்றாவது டி20 போட்டியிலிருந்து காயம் காரணமாக ஆஸ்திரேலிய அணியின் நட்சத்திர வீரர் டேவிட் வார்ன விலகியுள்ளார்.

நியூசிலாந்து தொடரிலிருந்து விலகிய டேவிட் வார்னர்! (Image Source: Google)

ஆஸ்திரேலிய அணி நியூசிலாந்தில் சுற்றுப்பயணம் மேற்கொண்டு 3 போட்டிகள் கொண்ட டி20 தொடரில் விளையாடி வருகிறது. இந்நிலையில் இத்தொடரில் நடைபெற்று முடிந்த முதலிரண்டு டி20 போட்டிகளிலும் ஆஸ்திரேலிய அணி வெற்றிபெற்று 2-0 என்ற கணக்கில் தொடரை வென்றுள்ளது. அதிலும் முதல் போட்டியில் கடைசி பந்தில் இலக்கை எட்டிய ஆஸ்திரேலிய அணி த்ரில் வெற்றிபெற்றது. 

அதைத்தொடர்ந்து நேற்று நடைபெற்ற இரண்டாவது போட்டியில்  174 ரன்களுக்கே ஆல் அவுட்டான ஆஸ்திரேலிய அணி, அதன்பின் விளையாடிய நியூசிலாந்து அணியை 102 ரன்களுக்கு சுருட்டியதுடன், 72 ரன்கள் வித்தியாசத்தில் வெற்றிபெற்று அசத்தியது. இதையடுத்து இரு அணிகளுக்கும் இடையேயான மூன்றாவது மற்றும் கடைசி டி20 நாளை ஆக்லாந்தில் நடைபெறவுள்ளது. 

இந்நிலையில் இத்தொடருக்கான ஆஸ்திரேலிய அணியிலிருந்து காயம் காரணமாக டேவிட் வார்னர் 3ஆவது டி20 போட்டியிலிருந்து விலகியுள்ளார். மேலும் அவர் தனது காயத்திலிருந்து மீள சிறிது காலம் மட்டுமே தேவைப்படும். இதனால் அடுத்த மாதம் இந்தியாவில் நடைபெறும் ஐபிஎல் தொடரில் டேவிட் வார்னர் பங்கேற்பதை இது பாதிக்காது என்றும் தகவல்கள் தெரிவிக்கப்பட்டுள்ளன. 

முன்னதாக நியூசிலாந்து அணிக்கெதிரான முதலாவது டி20 போட்டியில் விளையாடிய டேவிட் வார்னர், இரண்டாவது டி20 போட்டியில் இடம்பெறவில்லை. அதேசமயம் வரவுள்ள ஐபிஎல் தொடரில் டெல்லி கேப்பிட்டல்ஸ் அணிக்காக விளையாடி வரும் டேவிட் வார்னர் அந்த அணியின் தொடக்க வீரராக மட்டுமின்றி, அணியையும் வழிநடத்துவார் என்பதால் அந்த அணியின் முக்கிய வீரராக இருந்து வருகிறார் என்பது குறிப்பிடத்தக்கது.

Win Big, Make Your Cricket Tales Now