சர்வதேச கிரிக்கெட்டிலிருந்து ஓய்வு பெறும் டீன் எல்கர்!
இந்திய அணிக்கெதிரான டெஸ்ட் தொடருடன் சர்வதேச கிரிக்கெட்டிலிருந்து ஓய்வு பெறுவதாக தென் ஆப்பிரிக்க அணியின் முன்னாள் கேப்டன் டீன் எல்கர் அறிவித்துள்ளார்.
தென் ஆப்பிரிக்காவில் சுற்றுப்பயணம் செய்துவரும் இந்திய அணி தற்போது 3 போட்டிகள் கொண்ட டி20, ஒருநாள் மற்றும் 2 டெஸ்ட் போட்டிகள் கொண்ட தொடரில் விளையாடி வருகிறது. இதில் இரு அணிகளுக்கும் இடையேயான டி20 தொடரில் இரு அணியும் தலா ஒரு வெற்றியைப் பதிவுசெய்து 1-1 என்ற கணக்கில் தொடரை சமன்செய்ததுடன், கோப்பையையும் பகிர்ந்துகொண்டனர்.
இதையடுத்து நடைபெற்ற 3 போட்டிகள் கொண்ட ஒருநாள் தொடரை இந்திய அணி 2-1 என்ற கணக்கில் தென் ஆப்பிரிக்காவை அதன் சொந்த மண்ணிலேயே வீழ்த்தி தொடரைக் கைப்பற்றியது. மேலும் விராட் கோலிக்கு பின் தென் ஆப்பிரிக்க மண்ணில் ஒருநாள் தொடரைக் கைப்பற்றிய கேப்டன் எனும் பெருமையையும் கேஎல் ராகுல் பெற்றார்.
Trending
இதைத்தொடர்ந்து இரு அணிகளுக்கும் இடையேயான இரண்டு போட்டிகள் கொண்ட டெஸ்ட் தொடர் நடைபெறவுள்ளது. அதன்படி இரு அணிகளுக்கும் இடையேயான முதலாவது டெஸ்ட் வரும் வரும் டிசம்பர் 26ஆம் தேதி பாக்ஸிங் டே டெஸ்ட் போட்டியாக செஞ்சூரியனில் நடைபெறவுள்ளது. இப்போட்டிக்காக இரு அணிகளும் தீவிரமாக தயாராகி வருகின்றன.
இந்நிலையில் இந்தியாவுக்கு எதிரான டெஸ்ட் தொடருடன் சர்வதேச கிரிக்கெட்டில் இருந்து ஓய்வு பெறுவதாக தென் ஆப்பிரிக்க முன்னணி வீரர் டீன் எல்கர் அறிவித்துள்ளார். தென் ஆப்பிரிக்க அணிக்காக இதுவரை 84 டெஸ்ட் போட்டிகளில் விளையாடியுள்ள டீன் எல்கர் 13 சதங்கள் மற்றும் 23 அரைசதங்கள் என 5,146 ரன்களையும், 8 ஒருநாள் போட்டிகளில் விளையாடி 104 ரன்களும் எடுத்துள்ளார்.
Dean Elgar to bid farewell to International cricket after the test series against India!#SAvIND #SouthAfrica #India #Cricket #DeanElgar pic.twitter.com/TDq5qcg6j2
— CRICKETNMORE (@cricketnmore) December 22, 2023
மேலும் தென் ஆப்பிரிக்க டெஸ்ட் அணியின் கேப்டனாக 19 போட்டிகளில் செயல்பட்டுள்ள டீன் எல்கர், 9 வெற்றிகளையும், 7 தோல்விகளையும் 4 போட்டிகள் டிராவிலும் முடிந்துள்ளன. தென் ஆப்பிரிக்க அணியின் சிறந்த டெஸ்ட் போட்டர்களில் ஒருவரான டீன் எல்கர் ஓய்வு பெற உள்ளதாக வெளியான தகவலையடுத்து அவரது ரசிகர்கள் மிகுந்த கவலை அடைந்துள்ளனர்.
Win Big, Make Your Cricket Tales Now
