Delhi Capitals vs Mumbai Indians Dream11 Prediction, WPL 2025 Eliminator: மகளிர் பிரீமியர் லீக் தொடரின் 3ஆவது சீசன் இறுதிக்கட்டத்தை எட்டியுள்ளது. மொத்த எட்டு அணிகள் பங்கேற்றிருந்த இத்தொடரின் இறுதிப்போட்டிக்கு டெல்லி கேப்பிட்டல்ஸ் - மும்பை இந்தியன்ஸ் அணிகள் முன்னேறி அசத்தியுள்ளன.
இந்நிலையில் இவ்விரு அணிகளுக்கும் இடையேயான இறுதிப்போட்டி இன்று மும்பையில் உள்ள பிரபோர்ன் கிரிக்கெட் மைதானத்தில் நடைபெறவுள்ளது. முன்னதாக டெல்லி கேப்பிட்டல்ஸ் அணி தொடர்ச்சியாக மூன்றாவது முறை இத்தொடரின் இறுதிப்போட்டிக்கு முன்னேறியுள்ளது. இருப்பினும் கடந்த இரண்டு முறையும் இறுதிப்போட்டியில் அந்த அணி தோல்வியைத் தழுவி கோப்பையை வெல்லும் வாய்ப்பை தவறவிட்டுள்ளது.
இதனால் இம்முறையாவது அந்த அணி கோப்பையை வெல்லுமா என்ற எதிர்பார்ப்புகள் அதிகரித்துள்ளன. அதேசமயம் மும்பை இந்தியன்ஸ் அணி தொடரின் முதல் சீசனிலேயே சாம்பியன் பட்டத்தை வென்று அசத்தியது. இந்நிலையில் இரண்டாவது முறையாக இறுதிப்போட்டிகுள் நுழைந்துள்ளது. இதனால் இம்முறையும் அந்த அணி சாம்பியன் பட்டத்தை வெல்லுமா என ரசிகர்கள் ஆவலுடன் எதிர்பார்த்து காத்துள்ளனர்.
