இந்த மூன்று அணிகளுக்கும் அதிக சப்போர்ட் உள்ளது - டேவிட் வார்னர்!

இந்த 3 அணிகளும் எங்கு விளையாடினாலும், அவர்களுக்கு ரசிகர்கள் சப்போர்ட் அதிகமாக இருக்கிறது என வார்னர் பேசியுள்ளார்.

Delhi Capitals star David Warner picks 3 IPL teams as 'crowd favourites' (Image Source: Google)

கடந்த 2014 முதல் 2021 வரை சன்ரைசர்ஸ் ஹைதராபாத் அணிக்காக ரன் மழை பொழிந்து 3 ஆரஞ்சு தொப்பிகளை வென்று கேப்டனாகவும், 2016-ல் கோப்பையையும் பெற்றுக் கொடுத்தவராகவும் திகழ்ந்த டேவிட் வார்னரை, கடந்த வருடம் சுமாராக செயல்பட்டார் என்ற காரணத்துக்காக பாதியிலேயே கேப்டன் பதவியில் இருந்து நீக்கிய அந்த அணி நிர்வாகம், பெஞ்சில் அமர வைத்து இறுதியில் கழற்றிவிட்டு அவமானப்படுத்தியது.

இதனைத் தொடர்ந்து 15ஆவது சீசனில், 6.25 கோடிக்கு ஒப்பந்தம் செய்யப்பட்ட ஆஸ்திரேலிய நட்சத்திர வீரர் டேவிட் வார்னர், நாட்டுக்காக விளையாடியதால் ஆரம்பத்தில் 3 போட்டிகளை தவற விட்ட நிலையில் பங்கேற்ற எஞ்சிய 12 போட்டிகளில் 5 அரை சதங்கள் உட்பட 432 ரன்களை 48.00 என்ற சிறப்பான சராசரியில் 150.52 என்ற சூப்பரான ஸ்டிரைக் ரேட்டில் குவித்து சிறப்பாக செயல்பட்டார்.

இந்நிலையில் டெல்லி கேபிடல்ஸ் அணி, கடைசி நேரத்தில் மும்பையிடம் தோற்று பிளே ஆஃப் வாய்ப்பை தவறவிட்டது. இதனைத் தொடர்ந்து வார்னர் உட்பட அனைத்து வீரர்களும் நாடு திரும்பியுள்ளனர்.

இந்நிலையில், டெல்லி அணிக்காக விளையாடியது குறித்து வார்னர் மனம் திறந்து பேசியுள்ளார். அதில், “டெல்லிக்காக விளையாடியது மிகவும் மகிழ்ச்சிதான். பயிற்சியாளர் ரிக்கி பாண்டிங், ஷான் மார்ஷ் உப்ட சில தெரிந்த முகங்கள் இருந்ததால், ஆஸ்திரேலிய வீரர்களுடன் சொந்த மண்ணில் விளையாடியது போல உணர்ந்தேன்” எனக் கூறினார்.

மேலும் பேசிய அவரிடம், நீண்ட காலத்திற்கு பிறகு டெல்லி அணிக்கு வந்துருக்கிங்க. பழைய மாதிரியே ரசிகர்கள் ஆதரவு இருந்ததா என கேள்வி எழுப்பப்பட்டது. இதற்கு பதிலளித்த வார்னர், “இங்கு 3 குறிப்பிட்ட அணிகள் இருக்கின்றன. அது மும்பை இந்தியன்ஸ், சென்னை சூப்பர் கிங்ஸ், ராயல் சேலஞ்சர்ஸ் பெங்களூர். இந்த மூன்று அணிகளுக்கு எதிராக விளையாடினால், எப்போதுமே ரசிகர்களின் ஆதரவு இந்த அணிகளுக்கு மட்டுமே இருக்கிறது” என தெரிவித்தார்.

Win Big, Make Your Cricket Tales Now