ஐபிஎல் 2021: கரோனாவிலிருந்து மீண்டார் தேவ்தத்!

ஆர்சிபி அணி வீரர் தேவ்தத் படிக்கல் கரோனாவிலிருந்து மீண்ட நிலையில், அந்த அணியின் மற்றொரு வீரரும் ஆஸ்திரேலிய ஆல்ரவுண்டருமான டேனியல் சாம்ஸ் கரோனாவில் பாதிக்கப்பட்டு, தனிமைப்படுத்தப்பட்டுள்ளார்.

Devdutt Padikkal Joins RCB Squad After Testing Negative For Covid (Image Source: Google)

ராயல் சேலஞ்சர்ஸ் பெங்களூரு அணியின் தொடக்க ஆட்டக்காரர் தேவ்தத் படிக்கல் கரோனா தொற்றிலிருந்து மீண்டநிலையில் அணியின் பயோ-பபுள் சூழலுக்குள் முறைப்படி இணைந்தார் என்று அந்த அணி நிர்வாகம் தெரிவித்துள்ளது.

இதுகுறித்து ஆர்சிபி அணி வெளியிட்ட அறிக்கையில் கூறியிருப்பதாவது “ ஆர்சிபி அணியின் இடதுகை பேட்ஸ்மேன் தேவ்தத் படிக்கல் கரோனாவிலிருந்து குணமடைந்துவிட்டார். தேவ்தத் படிக்கலுக்கு இன்று நடத்தப்பட்ட பரிசோதனையில் தொற்று இல்லை என்பது உறுதிசெய்யப்பட்டுள்ளது.

கடந்த மாதம் 22ஆம் தேதி படிக்கல் கரோனாவால் பாதிக்கப்பட்டு, வீட்டில் தனிமைப்படுத்திக் கொண்டு சிகிச்சையில் இருந்தார். அவரை ஆர்சிபி அணியின் மருத்துவக் குழுவினர் தொடர் கண்காணிப்பில் ஈடுபட்டு வந்தனர். இந்நிலையில் அவருக்கு இன்று மேற்கொள்ளப்பட்ட பரிசோதனைல் தொற்று இல்லை என்பது உறுதிசெய்யப்பட்டுள்ளது” எனத் தெரிவித்துள்ளது.

கடந்த ஐபிஎல் டி20 தொடரில் அறிமுகமான தேவ்தத் படிக்கல் 15 ஆட்டங்களில் 473 ரன்கள் குவித்து அனைவரையும் ஈர்த்தார். உள்நாட்டுப் போட்டிகளிலும் சிறப்பாக செயல்பட்ட படிக்கல், ஐபிஎல் தொடரில் சர்வதேச அறிமுகம் இல்லாத ஒரு வீரர் அறிமுக தொடரிலேயே 400 ரன்களுக்கு மேல் குவிப்பது 2ஆவது முறையாகும் என்பது குறிப்பிடத்தக்கது.
    

Win Big, Make Your Cricket Tales Now