ஐசிசி விருது : ஜூன் மாதத்தின் விருதை வென்ற கான்வே, எக்லெக்ஸ்டோன்!

ஜூன் மாதத்தின் சிறந்த வீரருக்கான ஐசிசி விருது நியூசிலாந்து அணியின் அதிரடி வீரர் டேவன் கான்வேவுக்கு வழங்கப்பட்டுள்ளது.

சர்வதேச கிரிக்கெட் கவுன்சில் சார்பில் மாதந்தோறும் கிரிக்கெட்டில் சிறந்து விளங்கும் வீரர், வீராங்கனை தேர்வு செய்யப்பட்டு விருது வழங்கி கவுரவிக்கப்பட்டு வருகிறார்கள்.

இந்த ஐசிசி விருது பட்டியலில் இடம் பெறும் 3 வீரர், வீராங்கனைகளில் இருந்து தலா ஒருவர் வாக்குகளின் அடிப்படையில் தேர்வு செய்து விருது வழங்கி வருகின்றனர். 

இந்நிலையில், ஜூன் மாதத்திற்கான சிறந்த வீரராக நியூசிலாந்து அணியின் அதிரடி பேட்ஸ்மேன் டேவன் கான்வே தேர்வு செய்யப்பட்டுள்ளார். இங்கிலாந்து, உலக டெஸ்ட் சாம்பியன்ஷிப் ஆகிய தொடர்களில் சிறப்பான ஆட்டத்தை வெளிப்படுத்தியதன் மூலம் இவருக்கு இந்த விருது வழங்கப்பட்டுள்ளது.

 

WTC21 champion
Double century on Test debut

This @BLACKCAPS star has been voted the men's #ICCPOTM for June pic.twitter.com/bMVGduhabL

— ICC (@ICC) July 12, 2021

அதேபோல் மே மாதத்திற்கான சிறந்த வீராங்கனை விருதை இங்கிலாந்தில் சோபி எக்லெக்ஸ்டோன் தட்டுச்சென்றார். இந்திய அணிக்கெதிரான டெஸ்ட் மற்றும் ஒருநாள் தொடரில் சிறப்பாக செயல்பட்டதன் மூலம் இவருக்கு இந்த விருது கிடைத்துள்ளது குறிப்பிடத்தக்கது. 

 

A bucketload of wickets in June means this England star was voted the women's #ICCPOTM winner! pic.twitter.com/zFtAt8D0L9

— ICC (@ICC) July 12, 2021

மேலும் மகளிருக்கான பட்டியலில் இந்திய அணியின் ஷஃபாலி வர்மா, ஸ்நே ராணா ஆகியோரது பெயர்கள் பரிந்துரைக்கப்பட்டிருந்தது குறிப்பிடத்தக்கது. 

Win Big, Make Your Cricket Tales Now