தமிழ்நாட்டு மக்களுக்கு சிஎஸ்கே சாம்பியனின் மெசேஜ்; அதுலையும் யார டேக் பண்ணிருக்காரு தெரியுமா?

சென்னை சூப்பர் கிங்ஸ் அணியின் முன்னணி ஆல்-ரவுண்டர் டுவைன் பிராவோ தமிழ்நாட்டு மக்களுக்காக தமிழில் ட்வீட் செய்து பதிவிட்டுள்ளார்.

சென்னை சூப்பர் கிங்ஸ் அணியின் முன்னணி ஆல்-ரவுண்டரும், வெஸ்ட் இண்டீஸ் அணியின் முன்னாள் கேப்டனுமான அவர் டுவைன் பிராவோ. இவர் அடிக்கடி வெஸ்ட் இண்டீஸ் நாட்டை தாண்டி தனது இரண்டாவது தாய்வீடு சென்னைதான் என்று கூறும் அளவிற்கு தமிழ்நாடு மீதும், தமிழ் மக்கள் மீதும் அளவு கடந்த அன்பு வைத்திருப்பவர். 

இந்நிலையில் தான் டுவைன் பிராவோ தற்போது தமிழ்நாட்டு மக்களுக்காக உருக்கமான வேண்டுகோள் ஒன்றினை வைத்துள்ளார்.

இதுகுறித்து பிராவோவின் ட்விட்டர் பதிவில், “தமிழ் நாட்டில் அதிகரித்து வரும் கரோனா குறித்து நான் மிகவும் கவலைப்படுகிறேன். இதிலிருந்து விரைவில் மீள மாநில அரசு எடுக்கும் நடவடிக்கைகளை பின்பற்றுமாறு உங்களை கேட்டுக்கொள்கிறேன். அரசு அறிவித்துள்ள நெறி முறைப்படி வீட்டிலேயே பாதுகாப்பாக இருங்கள். வெளியே வந்தால் மாஸ்க் அணியுங்கள் குறிப்பாக அனைவரும் தடுப்பூசி போட்டுக் கொள்ளுங்கள்.

இவைதான் கொரோனாவில் இருந்து நம்மை பாதுகாத்துக் கொள்ள ஒரே வழி. நம்மால் நமது குடும்பத்தினர் பாதிக்கக்கூடாது. அனைவரும் சாம்பியன்கள். விரைவில் கரோனாவில் இருந்து மீள்வோம்” என வேண்டுகோள் விடுத்துள்ளார்.

Worried about the rising numbers in #covid-19 cases in Tamilnadu .

தமிழ்நாட்டில் அதிகரித்து வரும் #covid-19 குறித்து நான் மிகவும் கவலைப்படுகிறேன். இதில் இருந்து விரைவில் மீழ மாநில விதிகளை கண்டிப்பாக பின்பற்றுமாறு உங்கள் அனைவரையும் கேட்டுக்கொள்கிறேன். @mkstalin @Udhaystalin pic.twitter.com/wdEky6M1uB

— Dwayne DJ Bravo (@DJBravo47) May 22, 2021

பிராவோவின் ட்வீட்டில் ஆச்சரியமளிக்கும் விஷயம் என்றால் அது தமிழ்நாடு முதலமைச்சர் மு.க.ஸ்டாலின், அவரது மகன் உதயநிதி ஸ்டாலின் ஆகியோரை டேக் செய்து இப்பதிவினை வெளியிட்டுள்ளார். பிராவோவின் இந்த ட்விட்டர் பதிவு சமூக வலைதளங்களில் ட்ரெண்டாகி வருகிறது.

Win Big, Make Your Cricket Tales Now