எஸ்ஏ20 2024 குவாலிஃபையர் 2: டர்பன் சூப்பர் ஜெயண்ட்ஸ் vs ஜோபர்க் சூப்பர் கிங்ஸ் - போட்டி முன்னோட்டம் & ஃபேண்டஸி லெவன் டிப்ஸ்!

எஸ்ஏ20 லீக் தொடரில் இன்று நடைபெறும் இரண்டாவது குவாலிஃபையர் ஆட்டத்தில் டர்பன் சூப்பர் ஜெயண்ட்ஸ் - ஜோபர்க் சூப்பர் கிங்ஸ் அணிகள் பலப்பரீட்சை நடத்துகின்றன.

எஸ்ஏ20 2024 குவாலிஃபையர் 2: டர்பன் சூப்பர் ஜெயண்ட்ஸ் vs ஜோபர்க் சூப்பர் கிங்ஸ் - போட்டி முன்னோட்டம் (Image Source: Google)

தென் ஆப்பிரிக்காவில் நடைபெற்று வரும் எஸ்ஏ20 லீக் தொடரின் இரண்டாவது சீசன் இறுதிக்கட்டத்தை எட்டியுள்ளது. இத்தொடரின் லீக் சுற்றுகள் முடிவில் டர்பன் சூப்பர் ஜெயண்ட்ஸ், சன்ரைசர்ஸ் ஈஸ்டர்ன் கேப், பார்ல் ராயல்ஸ் மற்றும் ஜோபர்க் சூப்பர் கிங்ஸ் அணிகள் புள்ளிப்பட்டியலின் டாப் 4 இடங்களைப் பிடித்து பிளே ஆஃப் சுற்றுக்கு முன்னேறின. 

இதையடுத்து நடைபெற்ற முதலாவது குவாலிஃபையர் ஆட்டாத்தைல் சன்ரைச்ர்ஸ் ஈஸ்டர்ன் கேப் அணி டர்பன் சூப்பர் ஜெயண்ட்ஸ் அணியை வீழ்த்தி இரண்டாவது முறையாக இறுதிப்போட்டிக்கு மூன்னேறியது. அதன்பின் நேற்று நடைபெற்ற எலிமினேட்டர் சுற்று ஆட்டத்தில் ஜோபர்க் சுப்பர் கிங்ஸ் அணியானது பார்ல் ராயல்ஸை வீழ்த்தி வெற்றிபெற்றதுடன் இரண்டாவது குவாலிஃபையர் சுற்றுக்கு முன்னேறியது.

இந்நிலையில் இன்று நடைபெறும் இரண்டாவது குவாலிஃபியர் சுற்று ஆட்டத்தில் கேசவ் மகாராஜ் தலைமையிலான டர்பன் சூப்பர் ஜெயண்ட்ஸ் அணியை எதிர்த்து ஃபாஃப் டூ பிளெசிஸ் தலைமையிலான ஜோபர்க் சூப்பர் கிங்ஸ் அணி பலப்பரீட்சை நடத்துகிறது. இப்போட்டியில் வெற்றிபெறும் அணி இறுதிப்போட்டிக்கு முன்னேறும் என்பதால் இப்போட்டியின் மீதான எதிர்பார்ப்புகளும் அதிகரித்துள்ளன

போட்டி தகவல்கள்

• மோதும் அணிகள் - டர்பன் சூப்பர் ஜெயண்ட்ஸ் vs ஜோபர்க் சூப்பர் கிங்ஸ்
• இடம் - வண்டரர்ஸ் மைதானம், ஜொஹன்னஸ்பர்க்
• நேரம் - இரவு 9 மணி (இந்திய நேரப்ப்ப்டி)

பிட்ச் ரிப்போர்ட்

இப்போட்டி நடைபெறும் ஜோஹ்ன்னஸ்பர்க் ஆடுகளம் முற்றிலும் பேட்டிங்கிற்கு சாதகமான மைதானமாக இருக்கும். இதனால் இங்கு பெரிய ஸ்கோரை எதிர்பார்க்கலாம். இருப்பினும் நேற்று நடைபெற்ற எலிமினேட்டர் சுற்று ஆட்டத்தில் பார்ல் ராயல்ஸ் அணியை ஜோபர்க் சூப்பர் கிங்ஸ் அணி 138 ரன்களில் சுருட்டியது. இதனால் இப்போட்டியில் டாஸ் வெல்லும் கேப்டன் முதலில் பந்துவீச்சை தேர்வு செய்து எதிரணியை குறைந்த ஸ்கோரில் சுருட்ட முயற்சிப்பார்கள் என எதிர்பார்க்கப்படுகிறது.

நேரலை

இத்தொடரை இந்திய ரசிகர்கள் ஸ்போர்ட்ஸ் 18 மற்றும் ஜியோ சினிமா ஓடிடி தளத்தில் நேரலையில் கண்டு ரசிக்கலாம்.

நேருக்கு நேர்

• மோதிய போட்டிகள் - 04
• டர்பன் சூப்பர் ஜெயண்ட்ஸ் - 03
• ஜோபர்க் சூப்பர் கிங்ஸ் - 01

உத்தேச லெவன்

ஜோபர்க் சூப்பர் கிங்ஸ்: ஃபாஃப் டு பிளெசிஸ் (கே), லூயிஸ் டு ப்ளூய், ரீசா ஹென்ட்ரிக்ஸ், சிபோனெலோ மகன்யா, மொயின் அலி, டொனோவன் ஃபெரீரா, டக் பிரேஸ்வெல், தயான் கலீம், சாம் குக், நந்த்ரே பர்கர், இம்ரான் தாஹிர்.

டர்பன் சூப்பர் ஜெயண்ட்ஸ்: மேத்யூ பிரீட்ஸ்கி, டோனி டி ஸோர்ஸி, குயின்டன் டி காக், டுவைன் பிரிட்டோரியஸ், ஹென்ரிச் கிளாசென், ஜேஜே ஸ்மட்ஸ், வியான் முல்டர், கேசவ் மகராஜ் (கே), ரீஸ் டாப்லி, ஜூனியர் தாலா, நவீன் உல் ஹக்.

ஃபேண்டஸி லெவன் டிப்ஸ்

• விக்கெட் கீப்பர்கள்: மேத்யூ பிரீட்ஸ்கி,குயின்டன் டி காக் (துணைக்கேப்டன்)
• பேட்டர்ஸ்: ஃபாஃப் டு பிளெசிஸ்(கேப்டன்), லுயிஸ் டு ப்ளூய், ஹென்ரிச் கிளாசென்
• ஆல்-ரவுண்டர்கள்: மொயின் அலி, ஜேஜே ஸ்மட்ஸ்
• பந்துவீச்சாளர்கள்: நந்த்ரே பர்கர், இம்ரான் தாஹிர், ரீஸ் டாப்லி, ஜூனியர் தாலா

Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.

Win Big, Make Your Cricket Tales Now