ENG vs IND, 4th Test: அடுத்தடுத்து சரிந்த விக்கெட்டுகள்; தடுமாற்றத்தில் இந்தியா!

இங்கிலாந்துக்கு எதிரான 4ஆவது டெஸ்ட்டின் நான்காம் நாள் உணவு இடைவேளையின் போது இந்திய அணி 6 விக்கெட்டுகளை இழந்து 329 ரன்களை எடுத்துள்ளது.

ENG v IND, 4th Test: India Loses 3 As England Bounces Back In 1st Session, Score 329/6 (Image Source: Google)

இந்தியா - இங்கிலாந்து இடையேயான 4வது டெஸ்ட்டில் முதலில் பேட்டிங் ஆடிய இந்திய அணி முதல் இன்னிங்ஸில் 191 ரன்கள் மட்டுமே அடிக்க, இங்கிலாந்து அணி 290 ரன்கள் அடித்தது.

அதன்பின் 99 ரன்கள் பின் தங்கிய நிலையில், 2வது இன்னிங்ஸை ஆடிவரும் இந்திய அணிக்கு ரோஹித்தும் ராகுலும் இணைந்து முதல் விக்கெட்டுக்கு 83 ரன்களை சேர்த்து கொடுத்தனர். அபாரமாக ஆடிய ரோஹித் சர்மா டெஸ்ட் கிரிக்கெட்டில் இந்தியாவுக்கு வெளியே தனது முதல் சதத்தையும் டெஸ்ட்டில் தனது 8வது சதத்தையும் பதிவு செய்தார். 127 ரன்களில் அவர் ஆட்டமிழக்க, அவருடன் இணைந்து அருமையாக ஆடி அரைசதம் அடித்த புஜாராவும் அதே ஓவரில் 61 ரன்னுக்கு ஆட்டமிழந்தார்.

இதையடுத்து கோலியும் ஜடேஜாவும் இணைந்து 3வது நாள் ஆட்டத்தை முடித்தனர். 3ஆம் நாள் ஆட்ட நேர முடிவில் இந்திய அணி 3 விக்கெட் இழப்பிற்கு 270 ரன்கள் அடித்திருந்தது. அதன்பின் 4ஆம் நாளான இன்றைய ஆட்டத்தை கோலியும் ஜடேஜாவும் தொடர்ந்தனர். ஜடேஜா 17 ரன்னில் ஆட்டமிழக்க, அவரைத்தொடர்ந்து களமிறங்கிய ரஹானே டக் அவுட்டானார்.

இதையடுத்து கேப்டன் கோலியுடன் ரிஷப் பண்ட் ஜோடி சேர, நன்றாக விளையாடிய கோலி 44 ரன்னில் மொயின் அலியின் பந்தில் ஆட்டமிழந்து அரைசதத்தை தவறவிட்டார்.

இதனால் நான்காம் நாள் உணவு இடைவேளையின் போது இந்திய அணி 329 ரன்களுக்கு 6 விக்கெட்டுகளை இழந்துள்ளது. இந்திய அணி தரபில் ரிஷப் பந்த் 16 ரன்களுடனும், ஷர்துல் தாக்கூர் 11 ரன்களுடனும் களத்தில் உள்ளது. இங்கிலாந்து அணி தரப்பில் ராபின்சன், வோக்ஸ் தலா 2 விக்கெட்டுகளைக் கைப்பற்றியுள்ளனர்.

Win Big, Make Your Cricket Tales Now