ஆஷஸ் 2023: இங்கிலாந்து vs ஆஸ்திரேலியா, ஐந்தாவது டெஸ்ட் - போட்டி முன்னோட்டம் & ஃபேண்டஸி லெவன் டிப்ஸ்!

இங்கிலாந்து - ஆஸ்திரேலியா அணிகள் இடையிலான ஆஷஸ் டெஸ்ட் கிரிக்கெட் தொடரின் கடைசி மற்றும் 5ஆவது போட்டி லண்டன் தி ஓவல் மைதானத்தில் இன்று தொடங்குகிறது.

ஆஷஸ் 2023: இங்கிலாந்து vs ஆஸ்திரேலியா, ஐந்தாவது டெஸ்ட் - போட்டி முன்னோட்டம் & ஃபேண்டஸி லெவன் டிப்ஸ்! (Image Source: Google)

இங்கிலாந்தில் சுற்றுப்பயணம் மேற்கொண்டுள்ள ஆஸ்திரேலிய அணி 5 போட்டிகள் கொண்ட ஆஷஸ் டெஸ்ட் தொடரில் விளையாடி வருகிறதி.  இத்தொடரில் முதல் இரு ஆட்டங்களிலும் ஆஸ்திரேலிய அணி வெற்றி பெற்றது. 3ஆவது ஆட்டத்தில் இங்கிலாந்து அணி பதிலடி கொடுத்தது. 4ஆவது ஆட்டத்தில் இங்கிலாந்து அணிக்கு வெற்றி வாய்ப்பு இருந்த நிலையில் கடைசி நாள் ஆட்டம் மழையால் பாதிக்கப்பட்டதால் போட்டி டிராவில் முடிவடைந்தது. இந்த ஆட்டம் டிராவில் முடிவடைந்ததால் டெஸ்ட் தொடரை ஆஸ்திரேலிய அணி தன்வசப்படுத்தியது. இந்நிலையில் இரு அணிகளுக்கும் இடையேயான கடைசி மற்றும் 5ஆவது டெஸ்ட் போட்டி லண்டனில் இன்று தொடங்குகிறது.

போட்டி தகவல்கள்

• மோதும் அணிகள் - இங்கிலாந்து vs ஆஸ்திரேலியா
• இடம் - ஓவல், லண்டன்
• நேரம் - மாலை 3.30 மணி (இந்திய நேரப்படி)

போட்டி முன்னோட்டம்

பென் ஸ்டோக்ஸ் தலைமையிலான இங்கிலாந்து அணி மான்செஸ்டர் டெஸ்டில் முதல் இன்னிங்சில் 592 ரன்கள் குவித்து வெற்றியின் விளிம்புக்கு வந்தது. ஆனால் கடைசி நாளில் மழை பெய்து ஆஸ்திரேலியாவை காப்பாற்றி விட்டது. அத்துடன் ஆஷஸ் கோப்பையையும் ஆஸ்திரேலியா தக்க வைத்துக் கொண்டது.

இனி கோப்பையை வெல்ல வாய்ப்பில்லை என்ற நிலையில் 2001ஆம் ஆண்டுக்கு பிறகு சொந்த மண்ணில் ஆஸ்திரேலியாவுக்கு எதிரான டெஸ்ட் தொடரை இழந்ததில்லை என்ற பெருமையை நீட்டிக்கும் உத்வேகத்துடன் இங்கிலாந்து ஆயத்தமாகி வருகிறது. மூத்த வேகப்பந்து வீச்சாளர் ஜேம்ஸ் ஆண்டர்சன் இந்த தொடரில் எந்த தாக்கத்தையும் ஏற்படுத்தவில்லை என்றாலும் அவருக்கு இன்னொரு வாய்ப்பு வழங்கப்பட்டுள்ளது.

ஆஸ்திரேலிய அணி கோப்பையை தனதாக்கினாலும் தொடரை 3-1 என்ற கணக்கில் வெல்வதில் தீவிரம் காட்டுகிறது. அந்த அணியில் ஒரே ஒரு மாற்றமாக கேமரூன் கிரீனுக்கு பதிலாக சுழற்பந்து வீச்சாளர் டாட் மர்ஃபி இடம் பெறலாம். மற்றபடி மாற்றம் இருக்காது. இரு அணியினரும் நீயா-நானா என்று யுத்தம் போல் ஆக்ரோஷத்துடன் வரிந்து கட்டுவதால் இந்த போட்டியிலும் பரபரப்புக்கு பஞ்சமிருக்காது.

முந்தைய போட்டி போன்று இந்த டெஸ்டுக்கு மழை பெரிய அளவில் அச்சுறுத்தலாக இருக்காது. ஆனால் முதல் நாளிலும், 2ஆவது மற்றும் கடைசி நாளிலும் கொஞ்சம் மழை பெய்ய வாய்ப்பு இருப்பதாக வானிலை ஆய்வு மையம் கூறியுள்ளது.

நேருக்கு நேர்

• மோதிய போட்டிகள் - 359
• ஆஸ்திரேலியா - 152
• இங்கிலாந்து - 111
• முடிவில்லை - 97

உத்தேச லெவன்

இங்கிலாந்து: ஜாக் கிராவ்லி, பென் டக்கெட், மொயீன் அலி, ஜோ ரூட், ஹாரி புரூக், பென் ஸ்டோக்ஸ் (கேப்டன்), ஜானி பேர்ஸ்டோவ், கிறிஸ் வோக்ஸ், மார்க் வுட், ஸ்டூவர்ட் பிராட், ஜேம்ஸ் ஆண்டர்சன்.

ஆஸ்திரேலியா:  உஸ்மான் கவாஜா, டேவிட் வார்னர், மார்னஸ் லபுஷாக்னே, ஸ்டீவ் ஸ்மித், டிராவிஸ் ஹெட், மிட்செல் மார்ஷ், அலெக்ஸ் கேரி, பாட் கம்மின்ஸ் (கே), மிட்செல் ஸ்டார்க், ஜோஷ் ஹேசில்வுட், டாட் மர்ஃபி/ கேமரூன் கிரீன்.

ஃபேண்டஸி லெவன் டிப்ஸ்

• விக்கெட் கீப்பர் - ஜானி பேர்ஸ்டோவ்
• பேட்ஸ்மேன்கள் - ஸ்டீவ் ஸ்மித் (துணை கேப்டன்), ஜோ ரூட், டிராவிஸ் ஹெட், ஜாக் கிரௌலி
• ஆல்-ரவுண்டர்கள் - மிட்செல் மார்ஷ், கிறிஸ் வோக்ஸ் (கேப்டன்), பென் ஸ்டோக்ஸ்
• பந்துவீச்சாளர்கள் - ஸ்டூவர்ட் பிராட், மிட்செல் ஸ்டார்க், மார்க் வூட்

Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.

Win Big, Make Your Cricket Tales Now