ENG v IRE, Only Test: இன்னிங்ஸ் தோல்வியை தவிர்க்க போராடும் அயர்லாந்து!
அயர்லாந்துக்கு எதிரான டெஸ்ட் போட்டியில் இங்கிலாந்து அணி முதல் இன்னிங்ஸில் 524 ரன்களைச் சேர்த்து டிக்ளர் செய்த நிலையில், இரண்டாவது இன்னிங்ஸில் அயர்லாந்து அணி தடுமாறி வருகிறது.
இங்கிலாந்தில் சுற்றுப்பயணம் மேற்கொண்டுள்ள அயர்லாந்து அணி ஒரே ஒரு டெஸ்ட் போட்டி கொண்ட தொடரில் விளையாடி வருகிறது. அதன்படி நேற்று லார்ட்ஸ் கிரிக்கெட் மைதானத்தில் தொடங்கிய இப்போட்டியில் டாஸ் வென்ற இங்கிலாந்து அணி முதலில் பந்துவீசுவதாக தீர்மானித்தது. அதன்படி அயர்லாந்து கிரிக்கெட் அணி முதல் இன்னிங்சில் இங்கிலாந்தில் அபார பந்துவீச்சை தாக்குப்பிடிக்க முடியாமல் 172 ரன்னுக்கு அனைத்து விக்கெட்டுகளையும் இழந்து ஆட்டம் இழந்தது.
இதையடுத்து இங்கிலாந்து அணி தனது முதல் இன்னிங்சை தொடங்கியது. அதில் தொடக்க ஆட்டக்காரர்களாக ஜாக் க்ராவ்லி மற்றும் டக்கட் ஆகியோர் களம் இறங்கினர். இதில் க்ராவ்லி 56 ரன்னில் அவுட் ஆனார். இதையடுத்து டக்கட்டுடன் ஓலி போப் ஜோடி சேர்ந்தார். இந்த இணை அயர்லாந்தின் பந்துவீச்சை திறம்பட சமாளித்து அணியின் ஸ்கோரை மளமளவென உயர்த்தியது. இருவரும் அதிரடி ஆட்டத்தை வெளிப்படுத்தினர். இருவரும் சதம் அடித்து அசத்தினர். இருவரது விக்கெட்டுளையும் எடுக்க முடியாமல் அயர்லாந்து அணியினர் சிரமப்பட்டனர்.
Trending
இதில் டக்கட் இரட்டை சதத்தை நெருங்கிய வேளையில் 182 ரன்னில் ஆட்டம் இழந்தார். இதையடுத்து ஜோ ரூட் களம் இறங்கினார். மறுமுனையில் நிலைத்து நின்று விளையாடிய ஒல்லி போப் இரட்டை சதம் அடித்தார். அவர் 205 ரன்னும், ரூட் 56 ரன்னும் எடுத்த நிலையில் ஆட்டம் இழந்தனர். இதையடுத்து இங்கிலாந்து அணி 82.4 ஓவர்களில் 4 விக்கெட்டை மட்டும் இழந்து 524 ரன்கள் குவித்த நிலையில் டிக்ளேர் செய்தது. இதனால் இங்கிலாந்து 352 ரன்கள் முன்னிலை பெற்றது.
இதையடுத்து 2ஆவது இன்னிங்ஸைத் தொடங்கிய அயர்லாந்து அணியின் தொடக்க வீரர்கள் பீட்டர் மூர், ஜேம்ஸ் மெக்கலம் ஆகியோர் இந்த இன்னிங்ஸிலும் பெரிதாக சோபிக்கமுடியாமல் விக்கட்டை இழந்தார். அடுத்து களமிறங்கிய கேப்டன் ஆண்டரூ பால்பிர்னி 2 ரன்களுக்கும், நட்சத்திர வீரர் பால் ஸ்டிர்லிங் 15 ரன்களுக்கும் என ஆட்டமிழந்து ஏமாற்றமளித்தனர்.
அதன்பின் ஜோடி சேர்ந்த ஹேரி டெக்டர் - லோர்கன் டக்கர் இணை நிதான ஆட்டத்தை வெளிப்படுத்தி வருகின்றனர். இதனால் இரண்டாம் நாள் ஆட்டநேர முடிவில் அயர்லாந்து 3 விக்கெட்டுகளை இழந்து 97 ரன்களை மட்டுமே எடுத்துள்ளது. இதில் ஹாரி டெக்டர் 33 ரன்களிலும், லோர்கன் டக்கர் 21 ரன்களிலும் களத்தில் உள்ளனர். இதையடுத்து 255 ரன்கள் பின் தங்கிய நிலையில் நாளை மூன்றாவது நாள் ஆட்டத்தை தொடரவுள்ளது.
Win Big, Make Your Cricket Tales Now
