ஆஷஸ் தொடர்: இங்கிலாந்து அணிக்கு அபராதம்!

ஆஸ்திரேலியாவுக்கு எதிரான முதல் டெஸ்ட் போட்டியில் பந்துவீச அதிக நேரம் எடுத்துக்கொண்ட இங்கிலாந்து அணிக்கு போட்டிக் கட்டணத்திலிருந்து 100 விழுக்காடு அபராதம் விதித்து ஐசிசி உத்தரவிட்டுள்ளது.

ஆஸ்திரேலியா - இங்கிலாந்து அணிகளுக்கு இடையேயான ஆஷஸ் டெஸ்ட் தொடர் பரபரப்பாக நடைபெற்று வருகிறது.

இதில் பிரிஸ்பேனில் நடந்த ஆஷஸ் டெஸ்ட் தொடரின் முதல் போட்டியில் இங்கிலாந்து அணியை 9 விக்கெட்டுகள் வித்தியாசத்தில் வீழ்த்தியது ஆஸ்திரேலிய அணி.

இந்நிலையில் இப்போட்டியில் பந்துவீச அதிக நேரம் எடுத்துக்கொண்டதாக இங்கிலாந்து அணிக்கு 100 விழுக்காடு போட்டி கட்டணம் அபராதமாக விதித்து சர்வதேச கிரிக்கெட் கவுன்சில் உத்தரவித்துள்ளது. 

மேலும் உலக டெஸ்ட் சாம்பியன்ஷிப் புள்ளி கணக்கில் 5 புள்ளிகளையும் குறைப்பதாக சர்வதேச கிரிக்கெட் கவுன்சில் அறிவித்துள்ளது.

Win Big, Make Your Cricket Tales Now