இங்கிலாந்து vs இந்தியா, முதல் டி20: இந்திய அணியின் உத்தேச லெவன்!

இங்கிலாந்துக்கு எதிரான முதல் டி20 போட்டியில் களமிறங்கும் இந்திய அணியின் உத்தேச லெவனை பார்ப்போம்.

England vs India, 1st T20I - Cricket Match Prediction & Probable XI! (Image Source: Google)

இந்திய  அணி இங்கிலாந்தில் சுற்றுப்பயணம் செய்து விளையாடிவருகிறது. கடந்த ஆண்டு ஒத்திவைக்கப்பட்ட ஒரு டெஸ்ட் போட்டி முதலில் நடந்தது. அந்த போட்டியில் இந்திய அணியை வீழ்த்தி இங்கிலாந்து அபார வெற்றி பெற்றது.

அதைத்தொடர்ந்து டி20 தொடர் நடக்கிறது. முதல் டி20 போட்டி இன்று நடக்கிறது. முதல் டி20 போட்டி சௌத்தாம்ப்டனில் இந்திய நேரப்படி இன்று இரவு 10.30 மணிக்கு தொடங்குகிறது. கரோனா காரணமாக டெஸ்ட் போட்டியில் ஆடாத கேப்டன் ரோஹித் சர்மா, டி20 தொடரில் ஆடுகிறார்.
 
ரோஹித் சர்மா தலைமையில் டி20 போட்டியில் களமிறங்கும் இந்திய அணியின் உத்தேச ஆடும் லெவனை பார்ப்போம். கேப்டன் ரோஹித் சர்மா மற்றும் இஷான் கிஷன் ஆகிய இருவரும் தொடக்க வீரர்களாக இறங்குவார்கள். கோலி இந்த போட்டியில் ஆடாததால் தீபக் ஹூடா 3ஆம் வரிசையில் இறங்குவார்.

4ஆம் வரிசையில் சூர்யகுமார், 5ஆம் வரிசையில் ஹர்திக் பாண்டியா ஆகியோரும் 6ஆம்வரிசையில் விக்கெட் கீப்பர் தினேஷ் கார்த்திக் ஃபினிஷராக விளையாடுவார். ஸ்பின் ஆல்ரவுண்டர் அக்ஸர் படேல் மற்றும் சாஹல் ஆகிய இருவரும் விளையாடுவார்கள் என எதிர்பார்க்கப்படுகிறது.

டெஸ்ட்  போட்டியில் விளையாடிய ஷமி, பும்ராவிற்கு இந்த போட்டியில் ஓய்வளிக்கப்பட்டிருப்பதால், புவனேஷ்வர் குமார் மற்றும் ஹர்ஷல் படேல் ஆகிய இருவரும் முன்னணி வேகப்பந்து வீச்சாளர்களாக விளையாடவுள்ளனர். இவர்களுடன் 3ஆவது வேகப்பந்து வீச்சாளர்களாக, அர்ஷ்தீப் சிங், உம்ரான் மாலிக், ஆவேஷ் கான் ஆகிய மூவரில் ஒருவர் விளையாடுவார் என எதிர்பார்க்கப்படுகிறது.
 
இந்தியா - ரோஹித் சர்மா (கே), சூர்யகுமார் யாதவ், இஷான் கிஷன், தினேஷ் கார்த்திக், தீபக் ஹூடா, ஹர்திக் பாண்டியா, அக்ஸர் படேல், யுஸ்வேந்திர சாஹல், புவனேஷ்வர் குமார், ஹர்ஷல் படேல், அவேஷ் கான்/ உம்ரான் மாலிக்/அர்ஷ்தீப் சிங்.

Win Big, Make Your Cricket Tales Now