England vs india
இந்த தோல்விக்கு இங்கிலாந்து வீரர்கள் பொறுப்பேற்க வேண்டும் - நாசர் ஹுசைன்!
விறுவிறுப்பாக நடைபெற்று வரும் ஐசிசி உலகக் கோப்பை 2023 கிரிக்கெட் தொடரில் அடித்து நொறுக்கும் என்று எதிர்பார்க்கப்பட்ட நடப்பு சாம்பியன் இங்கிலாந்து 5 போட்டிகளில் 4 தோல்விகளை பதிவு செய்து புள்ளி பட்டியலில் 9வது இடத்தில் திண்டாடுகிறது. குறிப்பாக முதல் போட்டியிலேயே நியூசிலாந்திடம் தோல்வியை சந்தித்த அந்த அணி கத்துக்குட்டி வங்கதேசத்துக்கு எதிராக எளிதாக வெற்றி பெற்றது.
ஆனால் அதன் பின் ஆப்கானிஸ்தானுக்கு எதிராக வரலாற்றிலேயே முதல் முறையாக அவமான தோல்வியை சந்தித்த இங்கிலாந்து மும்பையில் தென்னாபிரிக்காவிடம் சரமாரியாக அடி வாங்கி படுதோல்வியை சந்தித்தது. அதன் காரணமாக நிச்சயம் வென்றாக வேண்டிய கட்டாயத்திற்கு தள்ளப்பட்ட அந்த அணி பெங்களூருவில் நடைபெற்ற 5வது போட்டியில் இலங்கைக்கு எதிராக 156 ரன்கள் மட்டுமே அடுத்து மோசமான தோல்வியை சந்தித்தது.