நியூசிலாந்து vs இங்கிலாந்து, முதல் டெஸ்ட்: உத்தேச அணி விபரம்
நியூசிலாந்து - இங்கிலாந்து அணிகளுக்கு இடையேயான முதல் டெஸ்ட் போட்டி நாளை லார்ட்ஸ் கிரிக்கெட் மைதானத்தில் நடைபெறுகிறது.
இதற்காக இரு அணியும் கடுமையான பயிற்சியில் ஈடுபட்டு வருகின்றனர். இந்நிலையில் இங்கிலாந்து அணியின் கேப்டன் ஜோ ரூட் பயிற்சியின் போது காயமடைந்துள்ளதாக தகவல்கள் வெளியாகியுள்ளன. இதனால் நாளைய போட்டியில் அவர் பங்கேற்பாரா என்ற சந்தேகமும் ரசிகர்கள் மத்தியில் எழுந்துள்ளது.
Trending
மேலும், அவரது இடத்திற்கு அறிமுக வீரரான சாம் பில்லிங்ஸ் தேர்வு செய்யப்படுவார் என்று எதிர்பார்ப்புகளும் அதிகரித்துள்ளது. இருப்பினும் கடந்த சில மாதங்களாக ஜோ ரூட் அபாரமான ஆட்டத்தை வெளிப்படுத்தி வருவதால், அவர் நிச்சயம் இங்கிலாந்து அணியில் இருக்க வேண்டியது அவசியம் என நிபுணர்கள் தெரிவிக்கின்றன.
நியூசிலாந்து அணியை பொறுத்தவரை கேன் வில்லியம்சன், ராஸ் டெய்லர் ஆகியோர் மிடில் ஆர்டரில் அபாரமான ஆட்டத்தை வெளிப்படுத்தி வருகின்றனர். அதேசமயம் நியூசிலாந்து அணி உலக டெஸ்ட் சாம்பியன்ஷிப் இறுதிப் போட்டிக்கும் முன்னேறியுள்ளதால், நிச்சயம் இப்போட்டி அவர்களுக்கு ஒரு பயிற்சியாக அமையும் என்பதில் சந்தேகமில்லை.
பந்துவீச்சு தரப்பில் இரு அணிகளிலும் உலகின் தலைசிறந்த வேகப்பந்து வீச்சாளர்கள் இருப்பது, இரு அணியும் சமபலத்துடன் இருப்பதை காட்டுகிறது. இதனால் இப் போட்டியில் யார் வெற்றி பெறுவார் என்ற எதிர்பார்ப்புகளும் அதிகரித்துள்ளது.
உத்தேச அணி விவரம்
இங்கிலாந்து விளையாடும் லெவன்: டொமினிக் சிப்லி, ஜாக் கிரௌலி, ரோரி பர்ன்ஸ் / ஹசீப் ஹமீத், ஜோ ரூட் (கே), டேனியல் லாரன்ஸ், ஒல்லி போப், ஜேம்ஸ் பிரேசி/ சாம் பில்லிங்ஸ், ஒல்லி ராபின்சன், ஸ்டூவர்ட் பிராட், ஜாக் லீச், ஜேம்ஸ் ஆண்டர்சன்
நியூசிலாந்து விளையாடும் லெவன்: டாம் பிளண்டெல், டாம் லாதம், கேன் வில்லியம்சன் (கே), ராஸ் டெய்லர், ஹென்றி நிக்கோல்ஸ், பிஜே வாட்லிங், டேரில் மிட்செல் / காலின் டி கிராண்ட்ஹோம், கைல் ஜேமீசன், டிம் சௌதி, மேட் ஹென்றி, டக் பிரேஸ்வெல்.
Win Big, Make Your Cricket Tales Now
